Tsuuhili a Yisu
1 Mu ilumbu hya Saba ŋa tsumba a ngwali, Mariya musi Magadala ayeni hu ngila. Nde amoni ti manya la ŋa kotili a ngila baamiimasa.
6 Simoni Peetelo wu akaduukala nde ayato. Nde akoti hutso a ngila, nde amoni birende bya tsanda a lino byaba ŋaana, 7 na tsanda yi baafungili mutswe a Yisu. Tsanda mo yiniiyi a yaabeedi mbuha mosi na birende ve. Ka baaba baafuta yo ŋa muvanga, ŋa mbuha kima.
Yisu miimonehele huli Mariya musi Magadala
11 Mu taangu mo yiina, Mariya aba hu mbadi ŋa kotili a ngila, na nde aba mu ulila. Bu nde haaba mu ulila, nde abaandimi mu utala hutso a ngila.
14 Bu nde hakaleele buuna, nde akinguhi, na nde amoni Yisu mu tele, hwavele uyaaba ti ni Yisu. 15 Yisu afuuli nde: «Maama, mu hima we li mu ulila? We na li mu usaha?» Bu nde hakatsima ti muutu wu, aba musali a wooto, mukaasu aleeli nde: «Pfumu, tso ni we biti nde, leele me huni we suusi nde, na me nzapolo nde.» 16 Yisu ni uleele nde: «Mariya!» Nde akinguhi na aleeli nde mu Ibeleho: «Rabuni!» Mbindulili ni ti: «Mulongisi!»
18 Mariya musi Magadala ayayabisa huli bayihi: «Me miimono Pfumu!» Na nde ayabisi bo mambu ma Yisu haleeli nde.