9 Bu bo baatoodi ŋa simu, baasutihi, ŋaana bo baamoni mbaahu yi baaba baasuusala batswi na mapa.
Inoongi hya Peetelo na Yisu
15 Bu bo baamani udya, Yisu aleeli huli Simoni Peetelo: «Simoni, mwaana a Yowani, we atondo me hwafulala bo baniiba?» Nde afutili: «Eye Pfumu, we yaabi ti me atondo we.» Yisu ni uleele nde: «Buungala bana ba me baa mameme!» 16 Nde abweleele nde, leele la moole: «Simoni mwaana a Yowani, we atondo me?» Peetelo afutili: «Eye, Pfumu, we yaabi ti me atondo we.» Yisu ni uleele nde: «Keelese mameme ma me.» 17 Nde ni ubweleele nde leele li mutatu: «Simoni, mwaana a Yowani, we atondo me?» Peetelo amoni lingebe bu Yisu haleeli nde, leele li mutatu: «We atondo me?» Na nde afutili: «Pfumu, we yabi mambu moosi. We yaabi ti me atondo we!» Yisu aleeli nde: «Buungala mameme ma me! 18 Mu mbuli mu mbuli me ndi mu undeele we, ŋa we aba mufudu, we akahada we mwakulu mudi a lungu la we. We aba bunyanga mu uyene hu we akatondo. Ka ŋa we ka inunu, we sa baalaba myoho mya we, na muutu mukima sa ahada we nde, na sa abaabita we hu we aveletondo uyene.» 19 Nde haleeli buuna, mu umweese buni Peetelo hafwana mu ukwa na uyuusa Nzambi mu kwili a nde. Titswene, Yisu aleeli nde: «Yaduukala me21.19 1.43!»