11 Yisu avoli mapa, afutili matondo huli Nzambi, na akabi mo huli ba baaba ŋaana. Nde aviidi bo kaka batswi mu iteesi hi bo baatondi.
26 Yisu ni ufutala bo: «Mu mbuli mu mbuli me ndi mu undeele benu, benu lili mu usaha me, a bu benu limiimono biliimbu bya kimuhili ve. Ka mu tooni ati benu limiidya mapa na limiiywata.
32 Yisu aleeli bo: «Mu mbuli, mu mbuli me ndi mu undeele benu, a Moose aviidi benu mapa ma maamati hu yulu ve. Ka ni Taata a me ubaava benu mapa ma mbuli ma yulu.
35 Yisu ni uleele: «Me, me ndi lipa la moonyi. Pasi muutu wu uya huli me, a hukaakwa nzala ve. Na wu usiila me imiinu, a hukaamono peyu ve.
51 Me, me ndi lipa la moonyi li laakulamana umata hu yulu. Tso muutu diidi lipa mo liina, nde sa abaha moonyi wu bilima na bilima. Lipa li me upa, ni musunya a me. Me ndi mu upa nde, mana baatu ba tsi babaha moonyi.»
66 Umata taangu mo yiina, bayihi ba nde ba banzuhisini baatiimbi nde, na a baakabweyene na nde ve. 68 Simoni Peetelo ni ufutala nde: «Pfumu, bisu ka huli na luuyene? We ni nga mambu ma mu baava moonyi wu bilima na bilima.