Yisu na mukaasu wu bamiikanga mu mayamba
1 Yisu ayeni hu isyelo hya Olive. 2 Tsumba a ngwali, nde afutihi hu nzo a Nzambi, na baatu boosi baayidi huli nde. Nde atsahili na akalongese bo.
3 Bafarisi na milongisi mi Mikele, baabehili nde mukaasu mumosi wu baakangi mu usa mayamba. Bo baasuusi nde ŋa butima bwa baatu boosi, 4 na baaleeli Yisu: «Mulongisi, bamiikaanga mukaasu mo wunuuwu mu usa mayamba. 5 Mutso Mikele, Moose atuma bisu mu uduba mu mamanya8.5 Lev 20.10; Pfu 22.22-24, bakaasu ba we nde. Ka we buni leeli?»
6 Bo baaviidi nde hyuhu mo hiina mu utehele nde mweto, mana bakese nde. Ka Yisu abaandimi, na nde akasonehe mu mulembo mu toto. 7 Bu bo baavatini mu uva nde byuhu, Yisu ateleme, aleeli bo: «Tso ŋa hati la benu hu li na muutu wu avelesa lisumu, abaandiha ulanga nde manya.» 8 Nde abwebandama mu usonehe mu toto. 9 Bu bo baayuhi buuna, bo baavyasuhi mumosi mumosi, ubaandiha mu bakuutu. Yisu asaali siha na mukaasu wu aba ŋa butima bu litandala ŋaana.
10 Yisu abweteleme, aleeli nde: «Mukaasu, ba bakakese we ka ba bo? Muutu tso mumosi a hatsundisi we ve?» 11 Mukaasu ni ufutala ti: «Muutu ve, Pfumu.» Na Yisu aleeli nde: «Me kaka a utsundasa we ve. Yene! Ka umata loloyi, a habwesumaha.»]
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)