18 Ka, batumi baa Bayudaayo a baasiidi imiinu ve ti muutu mo wunuuwu aba inzimana, na nde aka mu umono. Ni mu buuna, bo baatsihi ngu na taata a nde. 19 Bo baafuuli bo: «Nde wunuuwu mwaana a benu, wu benu lili mu uleele ti nde inzimana baabuuti? Ka buni loloyi, nde aka mu umono?» 20 Ngu na taata a nde baafutili: «Bisu liyaabi ti nde mwaana a bisu ali, na ti bisu laabuti nde inzimana. 21 Ka mu uyaaba buni nde aka mu umono loloyi, bisu a liyaabi ve. Buuve mu ayaba na adibula nde miisu, bisu a liyaabi kaka ve. Fuulaani nde mwakulu! Nde amiibuuha mu uyabisa benu mambu ma mayiili nde.» 22 Bo baaleeli buuna mu tooni ati bo baaba na boomo bu batumi baa Bayudaayo. Batumi baa Bayudaayo baayuhisini mu ubinga mu nzo lisambulu yi Bayudaayo, pasi muutu wu usilasa ti Yisu ni Kristo. 23 Ni mu buuna, ngu na taata a nde baaleeli: «Nde amiibuuha, fuulaani nde mwakulu!»
Publicidade