1 Baana ba ngu, me ndi mu utsaha mu mutima a me woosi, na bibaayaka me umbapondo taangu yoosi huli Nzambi mu masambulu ma me, ni ti bisu Isereli bayoboho. 2 Na me umbatiila bo imbangi mo hinihi: Bo bali na lehemene bibaayaka linene mu Nzambi, ka lehemene la bo a laayaluha mu nzaabili ve. 3 Ni mu buuna, bo a batsikaha buni Nzambi ubasa ti baatu baba ba butsiitsa ŋa busu bwa nde ve. Na bo ubasaha ma bo mwakulu manzila ma uba butsiitsa. Ni buuna, bo a basiingala nzila yi Nzambi hasalila mu ubita baatu mu uba ba butsiitsa ve. 4 Mu tooni ati, Kristo ni kaluha Mikele mya Moose, mana boosi ba nga imiinu mu Yisu, baba ba butsiitsa ŋa busu bwa Nzambi.

5 Moose asonihi bunuubu, mu tooni butsiitsa bu bubamata mu Mikele: «Muutu wu bibaayaka mu usalila bu huli matumili ma Mikele, sa aba moonyi mu mo✝.» 6 Ka mono buni butsiitsa bu bubamata mu imiinu buli mu uleele: «A haleele hutso mutima a we: Na uvata hu yulu✝?» Mbindulili ni ti: mu usutasa Kristo. 7 A haleele kaka ve: «Na ukulamana natee hutso a mbeenge ya doheselee*» Mbindulili ni ti: mu upalisa Kristo ŋa hati la babakwa. 8 Nde buni ali mu uleele? Bunuubu: «Dyambu labaambana na we, mu munywa na mu mutima a we✝» Mbindulili ni ti: liina ni dyambu bibaayaka imiinu bibaayaka bisu libalongese. 9 Tso we bibaayaka mu usilasa buuna mu munywa a we ŋa busu bwa boosi ti Yisu ni Pfumu, na tso we bibaayaka mu usa imiinu mu mutima a we woosi ti, Nzambi asuula nde ŋa hati la ba bakwa, we sa yoboho. 10 Mu tooni ati, wu ubasa imiinu mutso mutima a nde Nzambi ukitula nde wa tsiitsa. Wu ubasilasa mu munywa a nde, Nzambi uyobolo nde. 11 Ni mu buuna Mabasonehe ma Ngidi mali mu uleele: «Woosi wu ubasa imiinu mu nde, a humono tsonyi ve✝.» 12 A huli na lisobosono ŋa hati bibaayaka Bayudaayo na ba bavele Bayudaayo ve: bo boosi Pfumu mumosi wu ubava busina bwa nde huli boosi ba bubateele nde. 13 Mu tooni ati, Mabasonehe ma Ngidi mali mu uleele: «Woosi wu uteele Pfumu mbila, sa ayoboho.»✝

14 Ka buni bo buuteele mbila huli wu bo bavelesa imiinu mu nde? Na buni bo buusa imiinu hwavele uyuha tsangu a nde? Na buni bo buuyuha tsangu a nde hwavele milongisi? 15 Buni milongisi myusoloho tso a batsindihi myo ve? We bu Mabasonehe ma Ngidi mali mu uleele: «Miilu mya bo mili mi mibwe, bo bana ba bali mu uyabisa misamu mi mibwe✝!» 16 Ka boosi a basiingala Musamu wu Mubwe ve. Na mumbihuli Esaya atswamini ufuula: «Pfumu, na asa imiinu mu musamu wu bisu lili mu uyabisa✝?» 17 Ni mu buuna, imiinu ubamata mu mambu ma bubayuha, na mambu ma bubayuha ubamata mu mambu ma Kristo.

18 Buuna me ndi mu upfuula: Bayudaayo a bayuhi musamu mo wuuna ve? Eye, bo bayuhi nde! Mu tooni ati, Mabasonehe ma Ngidi mali mu uleele:

«Ndaha a bo yaayuhini mu toto yoosi,

na mambu ma bo balongisi,

maamiito natee hu tsi yaasuka.»

19 Me ndi mu umbwepfuula: baatu ba Isereli kini a batsikaha ve? Moose aba ni muutu watsomi mu ufutala mvutu:

«Me utsa ti benu liba na likwabi

mu ibandu hi bangoyi, huleeli Nzambi,

me utsimbalala kesi a benu mu baatu ba bavele na buyedi.»

20 Esaya aleeli na butuuta bwosi:

«Me miitsoloho huli baatu ba bakavelesaha me,

Me miimonehele huli baatu ba bakavelefuula me pasi dyambu.»

21 Ka uto ti mu bisu Isereli, nde aleeli:

«Bilumbu byosi, me ndi mu unzala myoho mya me,

mu uyaka baatu ba nga kene,

na batumbihi* v. 19: Pfu 32.21 v. 20-21: Esa 65.1-2..»