Ukwa mu masumu, uba moonyi mu Yisu Kristo
1 Buuna hima luleelaani? Bisu a benu likwilalaani mu usa masumu, mana hyese hya Nzambi hisinzafulala iteesi? 2 Naana ubila ve! Bisu ti laamiikwa mu masumu, ka buni lutwala ubweba moonyi mu masumu? 3 Benu a liyaabi ve ti, bisu boosi ba laayaki tondihili mu Yisu Kristo, ni mu lipfu la nde batondihi bisu? 4 Mu tondihili mo yiina yi lipfu, badiihi bisu kaka na nde. We bu Kristo hasuuhi mu babakwa mu muyusu a Taata, ni bumosi kaka, bisu luudyata mu moonyi wu munyatihi mu nde.