Muyusu wa hu busu
18 Me ndi mu utsima ti, utwala uyelemese mapasi ma taangu mo yiniiyi na muyusu a hu busu, wu Nzambi humweese bisu paayalala ve.
26 Bumosi kaka, Livupu la Ngidi libaya mu ukumbasa bisu, mu tooni ati, bisu lili na ikolili. Buuna, bisu a liyaabi usambila we bu hwafwana ve. Ka Livupu lo mwakulu libasambila Nzambi mu tooni a bisu, na nzayiini yi pasi muutu huveletwala uyabisa.
28 Bisu liyaabi ti, pasi bisiha bibavangama mu libwe la ba batondo Nzambi, na ba nde hateele we bu huli kesili a nde. 29 Buuna, mu baatu ba Nzambi hatswamini usoolo, nde atswamini uvolo kesili mu ufwanisa bo na Mwana a nde, mana nde aba pasa-bibelo ŋa hati la baana ba ngu ba balahi.
35 Na utwala utahula bisu na litondo la Kristo?
Mapasi, minyongi, mbingisili, nzala, pene, busisu vo lipfu?
37 Ka mu mambu mo maana moosi, bisu laafulala mbiingili mu tooni a nde wuuna wu atondo bisu.
38 Eye, me ndi na tadi ti,
a hu bibaayaka na dyambu tso limosi,
bibaayaka luutwala utahula bisu na litondo la nde ve:
tso lipfu, tso moonyi,
tso bapofi, tso bipfumu,
tso taangu a loloyi,
tso taangu yi yili mu uya,
tso matwala ma pila mu pila,
39 tso matwala ma hu yulu, tso ma ŋa toto,
tso pasi iloho hi Nzambi havanga.
Isiha tso imosi utwala utahula bisu na litondo,
bibaayaka Nzambi hamweesi bisu mu Yisu Kristo Pfumu a bisu ve.