Jesu Kanjila MuJelusalemu
1 Alimwi Jesu abasikwiiya bakwe nibakaamba kunjila muJerusalemu kumyuunzi itegwa Betipeji aBbetani iili afwiifwi aChilundu chama Oliva, Jesu wakatuma basikwiiya bakwe babili kunembo lyakwe. 2 Jesu wakati kulimbabo, "Ngamwiinke kumuunzi ulikunembo lyanu, mbumutakanjile biyo, muyojana mwana wambongolo waangidwe nkuko, utanatantwa nikuba muntu uumwi. Mukamwaangunune mumweete okuno.
7 Nibakamweeta mwana wambongolo kuli Jesu bakayala nsasiko amusana wambongolo, eelyo Jesu wakakkala alinguwe. 8 Bantu bayingi bakayala nsasiko zyabo mumugwagwa, bamwi bakayala matabi ngibakatemede mumyuunda. 9 Bakazula abakali musule lyaJesu bakoompolola kabati, "Hosanna! Ulilongezezegwe ooyo uza muzina lyaMwami!11:9 Intembawuzyo 118:25-26 10 Bulilongezezegwe bwami bwataata wesu Devidi buyoobuza! Hosanna mujulu lyamajulu!"
11 Jesu wakanjila mu Jelusalema akwiinka muŋanda yaLeza. Wakalangalanga zintu zyoonse, pesi nkaambo kakuti lyakali lyabagoko, wakayinka kuBbetani abalikkumi ababili.
Jesu Utuka Mukuyu
(Mateyu 21:18,19)