15 Jesu abasikwiiya bakwe nibakkasika muJelusalema, Jesu wakanjila muŋanda yaLeza mpawo wakabatanda bakali kuula akuuzya oomo. Wakatonta matebuli abasikubbindawuka mali azyuuno zyabaabo bakalikuuzya nkwilimba. 16 Mpawo taakwe naakazumizya nikuba uumwi kuti abweze zyakalikuuzigwa mulubuwa lwaŋanda yaLeza. 17 Mpawo wakabayiisya wati, "Takulembedwe na kuti, ŋanda yangu iyootegwa niŋanda yakukombela kwamanyika woonse?’11:17 Ayizaya 56:7 Pesi nywebo mwayichita chifuko chabasikubba."11:17 Jeremiya 7:11
Publicidade