43 Aawo Jesu naakachili kwaambuula, Judasi, umwi wabalikkumi ababili, wakaliboniya. Wakali abantu bayingi bakali amapanga amakoli, bakatumidwe abapayizi bapati, abayiisyi bamulawu abaalu babantu.
53 Eelyo Jesu bamukatola kumupayizi mupati, akuba abapati babapayizi boonse, baalu abayiisyi bamulawu bakabungana aamwi. 55 Lino bapayizi bapati ankamu yoonse yaBasinkuta mpati iitegwa Sanihedilini bakalikuyanduula bukamboni atala aJesu kuti bamujaye, pesi taakwe nibakabujana pe.
61 Pesi Jesu wakawumuna alimwi tapede nsandulo pe. Mupayizi Mupati wakamubuzya lubo, "Sena nduwe Kkirisitu, Mwana waLeza Ulongezezegwe?"
62 Jesu wakati, "Ndime, alimwi uyoobona Mwana waMuntu kakkede kuluboko lwalulyo lwaSinguzu akuboola mumayoba amujulu."
63 Mupayizi Mupati wakadeluula zisamo zyakwe mpawo wati, "Nkaamboonzi nituchiyanda bakamboni bambi? 64 Mwamumvwa mbwasampawula. Mutyeni?"
Boonse bakamupa mulandu weelede lufu. 65 Eelyo bamwi bakatalika kumuswida mate; bamuvumba kubusyu, bamuuma antuku zyabo, akwaamba kuti "Aamba!" Mpawo balindizi bakamubweza bakamumata mabayi.
Pita Mbwaatama Jesu
(Mateyu 26:69-75; Lukku 22:56-62; Joni 18:15-18,25-27)