43 Aawo Jesu naakachili kwaambuula, Judasi, umwi wabalikkumi ababili, wakaliboniya. Wakali abantu bayingi bakali amapanga amakoli, bakatumidwe abapayizi bapati, abayiisyi bamulawu abaalu babantu. 44 Lino sikumwaaba wakalibambide kale chitondeezyo ambabo chakuti, "Ooyo mwaalumi ngundiyoojuzya ngunguwe; mumwaange akumutola chakumulinda."
45 Naakayinka kuli Jesu, Judasi wakaamba kuti, "Muyiisi!" mpawawo wakamujuzya. 46 Mpawawo bantu bakajata Jesu akumwaanga.