Marcos 4

Jesu Waimika Guwo

35 Mboonyina obuya buzuba kujolezya, Jesu wakaambila basikwiiya bakwe kuteeti, "Atuzubukile kutala limwi lyo lwizi." 36 Mpoonyina bakasiya bbunga lyabantu. Basikwiiya bakwe bakatanta mumugolo mwalikukede Jesu, mpoonyina bakainka anguwe. Kwali emigolo imwi yalikuyobubacilila. 37 Pobatalikuyeeyela kwakaunga guwo pati, cokuteeti mayuwe akatalika kukupailila manzi mumugolo, mane watikazule. 38 Nako eeyo Jesu walilede musule lyomugolo, kabikide mutwe pokusegela. Basikwiiya bakwe bakamubusya okuteeti, "O mwiiyi, tobwene kuteegwa tuyanda kufwa na?"

39 Mpoonyina Jesu wakanyamuka okulailila guwo amayuwe kuteeti, "Umuna!" Guwo lyakamana mpoonyina kwakaumuna zii. 40 Jesu wakabuzya basikwiiya bakwe kuteeti, "Ino niinzi nemuyowa namu? Eino tamuna kuba olusyomo na?"

41 Kono bakayoowa loko okubuzyana kuteeti, "Ngwanooyu uunga mane guwo amayuwe zilamumvwida?"