Solomon ɛ nʋ̀n Wurubwarɛ wo-ise yii koro
1 Egyu-dɩrɛ Solomon e to bendeni-na gɩna kpekpesi. Farawo wobi-nanɩbi fɔ gama fɔ, e to bɛnanɩ e ye Moba bete, ma Amon bete, ma Edom bete, ma Sidon bete, ma Hiti bete baanɩ. 2 Be ye gɛ bɩfɩɩ gɛtɛ Yahwe ɛ dɔ̀ Isareli bete alan,<<Ɩ kara to bɔɔ bɛnanɩ gɩna, gɛ ɛbɛ mɔ bɛ kara to yii bebi gɩna, yema baà fi yɩɩ bʋnʋn be ye maakʋn yàà ma sʋma boo bekpen>> fɔ baanɩ. Mɔ gɛlɛ gɩɩ bɛnanɩ bɛtɔkɔ gɛ Solomon ɛ kpa ɛ marama gɛ e len baade. 3 E to bɛna nkpɩn bisiyee ma akpilin ton (700) gɛtɛ bè di egyu-wɔsɔ ɛbɛ, ma bedima gɛkpɩn ma akpilin ton (300), gɛ wɔsɔ ɛbɛ fɔ bɛ yɛ wɔ e kere Yahwe wosele ɛ ya. 4 Gɛtɛ Solomon ɛ dan ditenikwaa fɔ, wɔsɔ ɛbɛ fɔ be fi wɔ bʋnʋn bɛ san bekpen baakʋn, gɛ ɛn mɩnɩ ka woturu powu tɛrɛma Yahwe, wo Wurubwarɛ anlɛ gɛtɛ Dafidi ɛ mɛ fɔ.