4 Mɔ ɛwɔ gbagba bɩrɛ ɛ san duwi-kɩlɩn diisele ɛ san otonkuma waanɩ. Ɛ ma sara oyon gɛtɛ bee kpèlè alɛ ɔfɩya wuuyon fɔ wʋʋ gatɩn gɛ ee tiri onyun diku daà bɛ ka wɔ. Ɛ dɔ̀ alan, <<Wʋ kʋtɩ gɛlɛ! Oo, Yahwe, nkele to mɩɩn nkpa, mɩɩn kɔlɔ da miintu ɛbɛ.>> 5 Ɛwʋ gɛ ɛ waran ɛ dʋrɔ oyon fɔ wʋʋ gatɩn gɛ ɛ fwa bʋda.
Disere-kɩlɩn fɔ, Wurubwarɛ wɔsalɛ ɛ kya wɔ, gɛ ɛ dɔ̀ wɔ alan, <<Tɔ sara àà di!>> 6 Ɛ nya fɔ, e we boroboro ma ɔtan, ma butu gubun gɛtɛ ɩ̀ dɔ wayu yaanɩ. E di, gɛ ɛ nyʋn, gɛ e biri ɛ waran ɛ dʋrɔ.
7 Yahwe wɔsalɛ fɔ e biri ɛ ba dɩnyɔɔfɛ, gɛ ɛ kya wɔ ɛ dɔ̀ alan, <<Tɔ sara fɔ àà di, yema osele wʋ̀ sangba wʋ̀ dɔ tɛ wɔ.>> 8 Okoro ɛ tɔ ɛ sara, gɛ e di, gɛ ɛ nyʋn. Anyan-dilɛ fɔ ɩ tɛ wɔ ɔkɛma gɛ ɛ san osele fɔ awi akpilin anyɔɔ, odon ma ofilibon gɛlɛɛ ma gyu Horebi, Wurubwarɛ wodon fɔ wuu koro.
12 Gɛtʋnkwaa gii gekpenti fɔ gɩɩ gama fɔ, ɔtan na ba, mɔ Yahwe ɛn ma ɔtan fɔ waanɩ. Ɔtan fɔ wʋʋ gama fɔ gɩta pɩɩ gɩkɩ gɩ ba.
15 Ɛwʋ gɛ Yahwe ɛ dɔ̀ wɔ alan,<<Biri aa gama, ka osele gɛtɛ a ka a ba fɔ, fɔ àà san Damasiko wotonkuma waanɩ. Gengyi à gyu dʋkɔ fɔ, sʋrʋ Hasayeli bʋnɔ, fɔ èè di bugyu ɛ tɛ Aram bete. 16 Sʋrʋ Nimisi wobi Yehu mɔ bʋnɔ, fɔ èè di bugyu Isareli gɩfɩɩ gaanɩ. Fɔ àà sʋrʋ Safati wobi gɛtɛ e ye Abeli-Mehola fɔ bʋnɔ, fɔ ɛ̀ɛ̀ mɛ mɩɩntabʋrʋlɛ e sere aa gɩsɩrɩ. 18 Mɔ nan kere bɛnɩ ɩgbaa isiyee ma nkpɩn ton (7,000) n ya Isareli gɩfɩɩ gaanɩ. Bɛnɩ powu gɛtɛ ben kura ekpen Baali, gɛ bɛn kyʋkyʋ wɔ fɔ.>>