5 Ɔkʋna gɛtɛ Solomon ɛ̀ sa Gibeyon fɔ Yahwe e tiri koro e wùlà wɔ okute waanɩ odente, gɛ ɛ dɔ̀ wɔ alan, <<Lila gɩnyan gɛtɛ à len nan mɛ n tɛ wɔ̀.>> 9 Okoro tɛ nmɩ aasaranyan gɛsɛyɩ gɛtɛ nan ka n ton bugyu fɔ ma buusele n tɛ aa bɛnɩ, fɔ nan talɩ n we ade-kpen ma ade-kpara n nyɩnla. Nka gɛlɛ fɔ, ɛnyan nan talɩ e gyegeye aa bɛnɩ dɩtɩnpan nyadɩ dɩɩ bʋnʋn?>>
10 Gɛ wʋ mɛ Yahwe ɔsɛ gɛtɛ Solomon e lila ade nyayɩ. 11 Okoro Wurubwarɛ ɛ dɔ̀ wɔ alan, <<Gɛtɛ ade nyayɩ gɛ a lila, gɛ an lila nkpa ma ɔfɔ, abɛɛ koro gaanyan, abɛɛ aa bɛkyʋnlɛ boo diku, mɔ a lila gɛ gɛsɛyɩ, ma ade-yɩɩ-gɛkɛrɛ-nya, ma anlɛ gɛtɛ aà ka a dɔ̀ gɔdɔ ma giisele okoro, 12 nan mɛ ade gɛtɛ a lila fɔ. Nya, nan tɛ wɔ̀ gɛsɛyɩ, ma gɛkɛrɛ-ade-nya, gɛtɛ ɛkɩ en wura gaakɩ nya, gɛ ɛkɩ ɛn nan wura gaakɩ.
Solomon ɛ ka gɛsɛyɩ ɛ dɔ̀ gɔdɔ ma giisele
16 Duwi dɩkɩ fotoli bɛnanɩ bɛnyɔɔ bɛkɩ be be yela egyu-dɩrɛ bʋnʋn.
25 Gɛ egyu-dɩrɛ ɛ dɔ̀ alan, <<Yo ebi gɛtɛ è si nkpa fɔ ifèn ɩnyɔɔ, fɔ àà ka ofen wuukɩ tɛ ɛkɩ, fɔ àà ka ofen-do mɔ tɛ edo fɔ mɔ.>>
27 Okoro egyu-dɩrɛ ɛ dɔ̀ alan, <<Ɩ ka ebi gɛtɛ ɛ̀ sa nkpa fɔ ɩ tɛ ɛna-gyangbasɛlɛ fɔ. Ɩ kara wolo wɔ, ɛwɔ n di wɔna.>> 28 Gɛtɛ Isareli bete powu bɛ nʋn egyu-dɩrɛ gɔdɔ gɛtɛ ɛ dɔ fɔ, bɛ ka gebù-dɩrɛ bɛ tɛ wɔ, yema be we gɛtɛ Wurubwarɛ gɛsɛyɩ gɛ ɛ ka ɛ dɔ̀ gɔdɔ fɔ ma giisele.