Eli ma wo bebi baade-mɛlɛ
22 Nkele Eli ɛ dan gepepe. Gɛ ɛ nʋn ade gɛtɛ wo bebi bɛ mɛ Isareli bɛnɩ powu, ma anlɛ gɛtɛ bɛɛ dʋrɔ ma bɛnanɩ gɛtɛ bɛɛ mɛ gʋtʋn Dɩyan dii Dikwo-dɩrɛ diitunu fɔ powu. 23 Okoro Eli e lila bɛ alan, <<Anʋn yii koro gɛ ɩɩ mɛ gɛlɛ gaade nyayɩ? Na nʋn gɛtɛ bɛnɩ powu bɛɛ dɔ̀ gɛlɛ gaade-kpen gɛtɛ ɩɩ mɛ lɛ. 24 Kpakpaakpa miin bebi, ade gɛtɛ na nʋn ɩɩ yasɩ Yahwe bɛnɩ baanɩ lɛ in di gɛ ade-kpara. 25 Gengyi ɛnɩ ɛkɩ ɛ̀ mɛ wɔwɔlɔn ade-kpen fɔ, Yahwe ɛɛ̀ talɩ ɛ fɔ ɛ tɛ wɔ. Mɔ gengyi ɛnɩ ɛ̀ mɛ gɛ Yahwe ade-kpen fɔ, ɛnyan nan talɩ ɛ fɔ ɛ tɛ wɔ?>> Mɔ bebi fɔ bɛn nʋn boote wakʋn, yema wù di Yahwe gelenbi gɛtɛ èè wolo bɛ.