Yahwe e kpèlè Samweli
1 Nkele ɛsaranyan Samweli ɛ sʋma Yahwe Eli gatɩn. Awi ɩtɔkɔ yaanɩ fɔ, Yahwe wanyun-gyebi ma wade-tirilɛ-wùlàlɛ ɩn taa ba bilen-bilen.
4 Ɛwʋ gɛ Yahwe e kpèlè Samweli, gɛ e yera alan, <<Nte!>> 5 Gɛ e serenti ɛ san Eli wakʋn, gɛ ɛ dɔ̀ wɔ alan, <<Nyaamɩ! A kpèlè mɩ.>> Mɔ Eli ɛ dɔ̀ wɔ alan, <<Min kpèlè wɔ̀, biri san ma dʋrɔ!>> Gɛ e biri ɛ san ɛ ma dʋrɔ.
6 Gɛ Yahwe e biri e kpèlè alan,<<Samweli!>> Gɛ Samweli ɛ tɔ e biri ɛ san Eli wakʋn alan, <<A kpèlè mɩ, nyaamɩ!>> Mɔ Eli ɛ dɔ̀ wɔ alan, <<Miinbi min kpèlè wɔ̀, biri ma dʋrɔ.>> 7 Fɔ Samweli ɛn tɛ nyɩnla Yahwe gɛlɛ, yema Yahwe en te tiri ade anlɛ e wùlà wɔ. 8 Gɛ Yahwe e biri e kpèlè Samweli disere disiyeefɛ. Gɛ Samweli ɛ tɔ, gɛ ɛ san Eli wakʋn, gɛ ɛ dɔ̀ alan, <<A kpèlè mɩ, nyaamɩ wɔ lɛ.>>
Ɛwʋ gɛ Eli e we ɛ nyɩnla gɛtɛ, Yahwe n te kpèlè ɛsaranyan fɔ. 9 Okoro Eli ɛ dɔ̀ Samweli alan, <<Biri ma dʋrɔ, gɛ gengyi è biri è kpèlè wɔ̀ fɔ, dɔ̀ alan, <Yahwe tabʋrʋ, aasaranyan ɛɛ nʋn.> >> Okoro Samweli e biri ɛ ma dʋrɔ wɔ gɛdʋrɔkʋn. 10 Gɛ Yahwe e be yela, gɛ e kpèlè wɔ <<Samweli! Samweli!>> Anlɛ gɛtɛ ɛ̀ fʋrʋma ɛɛ mɛ fɔ.
Gɛ Samweli alan, <<Yahwe, tabʋrʋ, aasaranyan ɛɛ nʋn.>>