1 इतिहास 15

पवित्र सन्दूक की यरुशलेम म्ह वापसी

1 फेर दाऊद नै दाऊदपुर म्ह भवन बणवाए, अर परमेसवर के सन्दूक कै खात्तर एक जगहां त्यार करकै एक तम्बू खड़या करया*15:1 एक तम्बू खड़या करया मिलापआळा तम्बू तो इब भी गिबोन म्ह था। । 2 फेर दाऊद नै कह्या, "लेवियाँ नै छोड़ और किसे नै परमेसवर का सन्दूक ठाणा न्ही चाहिये*15:2 लेवियाँ नै छोड़ और किसे नै परमेसवर का सन्दूक ठाणा न्ही चाहिये उज्जा पै परमेसवर के प्रकोप (1 इति. 13:11) कै बाद दाऊद नै वाचा के सन्दूक नै ठाण खात्तर सारे वैधानिक अनिवार्यताओं पै ध्यान दिया अर वो उनके पाळण के प्रति सावधान था। , क्यूँके यहोवा नै उन ताहीं ज्यांतै चुण्या सै के वे परमेसवर का सन्दूक ठावै अर उसकी सेवा टहल सदा करया करैं*15:2 गिनती 1:50, व्यव. 10:8।" 3 फेर दाऊद नै सारे इस्राएलियाँ ताहीं यरुशलेम म्ह ज्यांतै कठ्ठा करया के यहोवा का सन्दूक उस जगहां पै पोहचावै, जिन ताहीं उसनै उसकै खात्तर त्यार करया था। 4 ज्यांतै दाऊद नै हारुन के सन्तानां अर लेवियाँ ताहीं कठ्ठा करया: 5 यानिके कहातियाँ म्ह तै ऊरीएल नाम के प्रधान नै अर उसके एक सौ बीस भाईयाँ ताहीं; 6 मरारियाँ म्ह तै असायाह नाम के प्रधान नै अर उसके दो सौ बीस भाईयाँ ताहीं; 7 गेर्शोमियाँ म्ह तै योएल नाम के प्रधान नै अर उसके एक सौ तीस भाईयाँ ताहीं; 8 एलीसापानियाँ म्ह तै शमायाह नाम के प्रधान नै अर उसके दो सौ भाईयाँ ताहीं; 9 हेब्रोनियाँ म्ह तै एलीएल नाम के प्रधान नै अर उसके अस्सी भाईयाँ ताहीं; 10 अर उज्जीएलियाँ म्ह तै अम्मीनादाब नाम के प्रधान नै अर उसके एक सौ बारहा भाईयाँ ताहीं। 11 फेर दाऊद नै सादोक अर एब्यातार नाम के याजकां ताहीं, अर ऊरीएल, असायाह, योएल, शमायाह, एलीएल अर अम्मीनादाब नाम के लेवियाँ तै बुलवाकै उनतै कह्या, 12 "थम तो लेवीय पितरां के घरान्यां म्ह खास आदमी सो; ज्यांतै अपणे भाईयाँ समेत अपणे-आपनै पवित्र करो, के थम इस्राएल के परमेसवर यहोवा का सन्दूक उस जगहां पै पोंहचा सको जिस ताहीं मन्‍नै उसकै खात्तर त्यार करया सै। 13 क्यूँके पिछली बार थमनै उस ताहीं न्ही उठाया था इस कारण म्हारा परमेसवर यहोवा म्हारे पै टूट पड़या, क्यूँके हम उसकी खोज म्ह नियम कै मुताबिक ना लाग्गे थे।" 14 फेर याजकां अर लेवियाँ नै अपणे-आप ताहीं पवित्र करया, के इस्राएल के परमेसवर यहोवा का सन्दूक ले जा सकैं। 15 फेर उस हुकम कै मुताबिक जो मूसा नै यहोवा का वचन सुणकै दिया था, लेवियाँ नै सन्दूक तै डण्ड्याँ कै बळ अपणे कंध्यां पै ठा लिया।

16 फेर दाऊद नै प्रधान लेवियाँ तै हुकम दिया के अपणे भाई गवैयां*15:16 गवैयां भजन गाण तै घणा पैहले ए तै धार्मिक संस्कारां म्ह उचित मान्या गया था। (निर्ग. 15:21, न्या. 5:1, 1 इति. 13:8) पर उरै हम पैहली बार देक्खां सां के संगीत का आयोजन करणा लेवियाँ का उत्तरदायित्व था। नै बाजे यानिके सारंगी, वीणा अर झाँझ देकै बजाण अर आनन्द कै गैल ऊँच्‍चे स्वर तै गाण कै खात्तर नियुक्त करैं। 17 फेर लेवियाँ नै योएल के बेट्टे हेमान तै, अर उसके भाईयाँ म्ह तै बेरेक्याह के बेट्टे आसाप ताहीं, अर अपणे भाई मरारियाँ म्ह तै कूशायाह के बेट्टे एतान ताहीं ठैहराया। 18 उनकै गैल उन ताहीं दुसरे पद के अपणे भाईयाँ ताहीं यानिके जकर्याह, बेन, याजीएल, शमीरामोत, यहीएल, उन्‍नी, एलीआब, बनायाह, मासेयाह, मत्तित्याह, एलीपलेह, मिकनेयाह, अर ओबेदेदोम अर यीएल ताहीं जो द्वारपाल थे ठैहराया। 19 आखर हेमान, आसाप अर एतान नाम के गवैये तो पीतळ की झाँझ बजा-बजाकै राग चलाण ताहीं; 20 अर जकर्याह, अजीएल, शमीरामोत, यहीएल, उन्‍नी, एलीआब, मासेयाह, अर बनायाह, अलामोत, नाम का राग म्ह सारंगी बजाण ताहीं; 21 अर मत्तित्याह, एलीपलेह, मिकनेयाह ओबेदेदोम, यीएल अर अजज्याह वीणा खर्ज म्ह छेड़ण ताहीं ठहराए गए। 22 अर राग उठाणे का अधिकारी कनन्याह नाम के लेवियाँ का प्रधान था, वो राग उठाणे कै बारै म्ह शिक्षा देवै था, क्यूँके वो निपुण था। 23 अर बेरेक्याह अर एल्काना सन्दूक के द्वारपाल थे। 24 अर शबन्याह, योशापात, नतनेल, अमासै, जकर्याह, बनायाह अर एलीएजेर नाम के याजक परमेसवर के सन्दूक कै आगै-आगै तुरहियाँ बजान्दे होए चाल्‍ले अर ओबेदेदोम अर यहिय्याह उसके द्वारपाल थे; 25 दाऊद अर इस्राएलियाँ के अगुवे अर सहस्त्रपति सारे मिलकै यहोवा की वाचा का सन्दूक ओबेदेदोम कै घर तै आनन्द कै गैल ल्याण कै खात्तर गए। 26 जिब परमेसवर नै लेवियाँ की मदद करी जो यहोवा की वाचा का सन्दूक ठाणआळे थे, फेर उननै सात बळध अर सात मिंढे बलि करे। 27 दाऊद, अर यहोवा की वाचा का सन्दूक ठाणआळे सारे लेवीय अर गाणआळे अर गाण आळयां कै गैल राग ठाणआळे का प्रधान कनन्याह, ये सारे तो सण के कपड़े के बागे पैहरे थे, अर दाऊद सण के कपड़े का एपोद पैहरे था। 28 इस तरियां सारे इस्राएली यहोवा की वाचा के सन्दूक नै जयजयकार करदे, अर नरसिंगे, तुरहियाँ अर झाँझ बजान्दे अर सारंगियाँ अर वीणा बजान्दे होए ले चाल्‍ले। 29 इस तरियां यहोवा की वाचा का सन्दूक दाऊदपुर म्ह पोहच्या फेर शाऊल की बेट्टी मीकल*15:29 मीकल मीकल दाऊद की घरआळियाँ म्ह तै एक थी। (देखें 1 शमू. 18:17-30) नै खिड़की म्ह तै झाँककै दाऊद राजा ताहीं कूदते अर नाचदे होए देख्या, अर उस ताहीं मन ए मन तुच्छ जाण्या।