1 इतिहास 23

लेवियाँ ताहीं जिम्मेदारियांँ बाट्या जाणा

1 दाऊद तो बूढ़ा बलके घणाए बूढ़ा होग्या था, ज्यांतै उसनै अपणे बेट्टे सुलैमान ताहीं इस्राएल पै राजा नियुक्त कर दिया। 2 फेर उसनै इस्राएल के सारे हाकिमां अर याजकां अर लेवियाँ ताहीं कठ्ठा करया। 3 जितने लेवीय तीस साल के अर उसतै घणी उम्र के थे, वे गिणे गए, अर एक-एक आदमी के गिणन तै उनकी गिणती अड़तीस हजार होई*23:3 गिनती 4:3,23,30। 4 इन म्ह तै चौबीस हजार तो यहोवा के भवन का काम चलाण कै खात्तर नियुक्त होए, अर छः हजार सरदार अर न्यायी। 5 अर च्यार हजार द्वारपाल नियुक्त होए, अर च्यार हजार उन बाजां तै यहोवा की स्तुति करण कै खात्तर ठहराए गए जो दाऊद नै स्तुति करण कै खात्तर बणाए थे। 6 फेर दाऊद नै उन ताहीं गेर्शोन, कहात अर मरारी नाम के लेवी के बेट्टयाँ कै मुताबिक दलां म्ह न्यारे-न्यारे कर दिये।

7 गेर्शोनियाँ म्ह तै तो लादान अर शिमी थे। 8 अर लादान के बेट्टे: सरदार यहीएल, फेर जेताम अर योएल ये तीन थे। 9 शिमी के बेट्टे: शलोमीत, हजीएल अर हारान ये तीन थे। लादान के कुल के पूर्वजां के घरान्यां के खास आदमी येए थे। 10 फेर शिमी के बेट्टे: यहत, जीना, यूश, अर बरीआ, शिमी के ये च्यार बेट्टे थे। 11 यहत खास था, अर जीजा दूसरा; यूश अर बरीआ के घणे बेट्टे ना होए, इस कारण वे सारे मिलकै पितरां का एक ए घराना ठैहरे।

12 कहात के बेट्टे: अम्राम, यिसहार, हेब्रोन अर उज्जीएल च्यार। अम्राम के बेट्टे: हारुन अर मूसा। 13 हारुन तो ज्यांतै न्यारा करया गया, के वो अर उसकी सन्तान सदा परमपवित्र चिज्जां ताहीं पवित्र ठहरावै, अर सदा यहोवा के धोरै धूप जळाया करैं अर उसकी सेवा पाणी करैं, अर उसके नाम तै आशीर्वाद दिया करै। 14 पर परमेसवर के भगत मूसा के बेट्यां के नाम लेवी के गोत्र कै बीच म्ह गिणे गए। 15 मूसा के बेट्टे, गेर्शोम अर एलीएजेर*23:15 निर्गमन 18:3-4। 16 अर गेर्शोम का बेट्टा शबूएल खास था। 17 एलीएजेर के बेट्टे: रहब्याह खास; अर एलीएजेर के और कोए बेट्टा ना होया, पर रहब्याह के घणे बेट्टे होए। 18 यिसहार के बेट्टयाँ म्ह तै शलोमीत खास ठहरया। 19 हेब्रोन के बेट्टे: यरिय्याह खास, दूसरा अमर्याह, तीसरा यहजीएल, अर चौथा यकमाम। 20 उज्जीएल के बेट्टयाँ म्ह तै खास तो मीका अर दूसरा यिश्शिय्याह था।

21 मरारी के बेट्टे: महली अर मूशी। महली के बेट्टे: एलीआजर अर कीश। 22 एलीआजर बिना छोरयां के मर ग्या, उसकै सिर्फ बेटियाँ होई; आखर कीश के बेट्टे नै जो उनके भाई थे उन ताहीं ब्याह लिया। 23 मूशी के बेट्टे: महली; एदेर अर यरेमोत ये तीन थे।

24 लेवीय पितरां के घरान्यां के खास आदमी येए थे, ये नाम ले-लेकै, एक-एक आदमी करकै गिणे गए, अर बीस साल की या उसतै घणी उम्र के थे अर यहोवा के भवन म्ह सेवा पाणी करैं थे। 25 क्यूँके दाऊद नै कह्या, "इस्राएल के परमेसवर यहोवा नै अपणी प्रजा ताहीं आराम दिया सै, के वे यरुशलेम म्ह सदा रह सकै। 26 अर लेवियाँ ताहीं निवास अर उसकी उपासना का सामान फेर उठाणा न्ही पड़ैगा।" *23:26 गिनती 1:50-53, 3:21-37, 4:15; व्यवस्थाविवरण 10:8 27 क्यूँके दाऊद के पिछले हुकम*23:27 दाऊद के पिछले हुकम किमे कै विचार म्ह यो उसके राज्यकाल के उत्तरकालीन युग की ऐतिहासिक रचना सै, हो सकै सै गाद या नातान जरिये रचित (1 इति. 27:24, 1 इति. 29:29) दुसरयां के विचार म्ह उसनै पवित्र जगहां म्ह सेवा के निर्देशन लिखकै धर दिए थे। के मुताबिक बीस साल या उसतै घणी उम्र के लेवीय गिणे गए। 28 क्यूँके उनका काम तो हारुन की सन्तान की सेवा पाणी करणा था, यानिके यो के वे आँगणां अर कोठड़ियाँ म्ह, अर सारी पवित्र चिज्जां के शुद्ध करण म्ह अर परमेसवर के भवन की उपासना के सारे काम्मां म्ह सेवा पाणी करै; 29 अर भेंट की रोट्टी का, अन्‍नबलियाँ के मैद्दे का, अर अखमीरी पापड़ियाँ का, अर तवे पै बणाए होए अर सणे होए का, अर मापण अर तौलण के सारी तरियां का काम करैं। 30 अर रोज सबेरै अर रोज शाम ताहीं यहोवा का धन्यवाद अर उसकी स्तुति करण कै खात्तर खड़े रहया करैं। 31 अर विश्रामदिनां अर नये चाँद के दिनां, अर नियत त्यौहारां म्ह गिणती के नियम कै मुताबिक रोज यहोवा के सारे होमबलियाँ नै चढ़ावैं*23:31 सारे होमबलियाँ नै चढ़ावैं तोभी लेवियाँ नै बलि चढ़ाण की इजाजत न्ही थी, अनेक अवसर इसे थे जिब वे बलि चढ़ाण म्ह पुरोहितां नै योगदान देवैं थे।; 32 अर यहोवा के भवन की उपासना कै बारै मिलापआळे तम्बू अर पवित्र जगहां की हिफाजत करै, अर अपणे भाई हारुनियां के सौंपे होए काम नै चौकसी तै करै*23:32 गिनती 18:3-5।