1 इतिहास 26

मन्दर के द्वारपाल

1 फेर पैहरेदारां के दल ये थे कोरहियाँ म्ह तै तो मशेलेम्याह, जो कोरे का बेट्टा अर आसाप के सन्तानां म्ह तै था। 2 अर मशेलेम्याह कै बेट्टे होए, यानिके उसका जेठ्ठा जकर्याह दूसरा यदीएल, तीसरा जबद्याह, 3 चौथा यातनीएल, पाँचवाँ एलाम, छठवाँ यहोहानान अर सातवाँ एल्यहोएनै। 4 फेर ओबेदेदोम*26:4 ओबेदेदोम ओबेदेदोम अर होसा (1 इति. 26:10) द्वारपाल थे यरुशलेम म्ह वाचा का सन्दूक ल्याण कै बखत तै ए वे द्वारपाल थे। (1 इति. 15:2, 1 इति. 16:38) कै भी बेट्टे होए, उसका जेठ्ठा शमायाह, दूसरा यहोजाबाद, तीसरा योआह, चौथा साकार, पाँचवाँ नतनेल, 5 छठवाँ अम्मीएल, सातवाँ इस्साकार अर आठवाँ पुल्‍लतै, क्यूँके परमेसवर नै उस ताहीं आशीष दी थी। 6 अर ओबेदेदोम के जेठ्ठे बेट्टे शमायाह कै भी बेट्टे पैदा होए, जो शूरवीर होण कै कारण अपणे पिता के कुण्बे पै प्रभुता करै थे। 7 शमायाह के बेट्टे ये थे, यानिके ओतनी, रपाएल, ओबेद, एलजाबाद अर उनके भाई एलीहू अर समक्याह ताकतवर माणस थे। 8 यो सारे ओबेदेदोम की सन्तानां म्ह तै थे, वे अर उनके बेट्टे अर भाई इस सेवकाई कै खात्तर बलवान अर शक्तिमान थे; ये ओबेदेदोमी बासठ थे। 9 मशेलेम्याह के बेट्टे अर भाई अठारह थे, जो बलवान थे। 10 फेर मरारी कै वंश म्ह तै होसा के भी बेट्टे थे, यानिके खास तो शिम्री (जिस ताहीं जेठ्ठा ना होण पै भी उसके पिता नै खास ठैहराया), 11 दूसरा हिल्किय्याह, तीसरा तबल्याह अर चौथा जकर्याह था; होसा के सारे बेट्टे अर भाई मिलकै तेरह थे।

12 द्वारपालां के दल इन खास आदमियाँ के थे, ये अपणे भाईयाँ कै बराबर ए यहोवा के भवन म्ह सेवा पाणी करया करै थे। 13 इननै के छोट्टे, के बड़े, अपणे-अपणे पितरां के घरान्यां कै मुताबिक एक-एक फाटक कै खात्तर चिट्ठी डाली। 14 पूर्व की और की चिट्ठी शेलेम्याह कै नाम पै लिकड़ी। फेर उन ताहीं उसके बेट्टे जकर्याह कै नाम की चिट्ठी डाली (वो बुद्धिमान मंत्री था) अर चिट्ठी उत्तर खात्तर लिकड़ी। 15 दक्षिण की खात्तर ओबेदेदोम कै नाम पै चिट्ठी लिकड़ी, अर उसके बेट्यां के नाम पै खजाने की कोठड़ी खात्तर। 16 फेर शुप्पीम अर होसा के नाम्मां की चिट्ठी पश्चिम की खात्तर लिकड़ी, के वे शल्‍लेकेत नाम के फाटक कै धोरै चढ़ाई की सड़क पै आम्ही-स्याम्ही चौकीदारी*26:16 आम्ही-स्याम्ही चौकीदारी होसा कै धोरै आराधनालय का पश्चिमी द्वार अर स्याम्ही की बाहरी दीवार का शल्‍लेकेत द्वार का जिम्मेदारी था। इस तरियां उस ताहीं दोहरी निगरानी करणी थी एक कै उप्पर एक। करया करैं। 17 पूर्व की और तो छः लेवीय थे, उत्तर की और रोज च्यार, दक्षिण की और रोज च्यार, अर खजाने की कोठड़ी कै धोरै दो ठैहरे। 18 पश्चिम की और के पर्बार नाम की जगहां पै ऊँच्‍ची सड़क कै धोरै तो च्यार अर पर्बार कै धोरै दो रहे। 19 ये द्वारपालां के दल थे, जिन म्ह तै कितणे तो कोरह के अर किमे मरारी के वंश के थे।

मन्दर के भण्डारी और अन्य सेवाएँ

20 फेर लेवियाँ म्ह तै अहिय्याह परमेसवर के भवन अर पवित्र करी होई चिज्जां, दोन्‍नु के भण्डारां का अधिकारी नियुक्त होया। 21 ये लादान की सन्तान के थे, यानिके गेर्शोनियाँ की सन्तान जो लादान के कुल के थे, यानिके लादान अर गेर्शोनी के पितरां के घरान्यां के खास आदमी थे, यानिके यहोएली।

22 यहोएली के बेट्टे ये थे, यानिके जेताम अर उसका भाई योएल जो यहोवा के भवन के खजाने के अधिकारी थे। 23 अम्रामियाँ, यिसहारियाँ, हेब्रोनियाँ अर उज्जीएलियाँ म्ह तै। 24 शबूएल जो मूसा के बेट्टे गेर्शोम के वंश का था, वो खजान्यां का खास अधिकारी था। 25 अर उसके भाईयाँ का वृत्तान्त यो सै: एलीएजेर कै कुल म्ह उसका बेट्टा रहब्याह, रहब्याह का बेट्टा यशायाह, यशायाह का बेट्टा योराम, योराम का बेट्टा जिक्री, अर जिक्री का बेट्टा शलोमोत था। 26 योए शलोमोत अपणे भाईयाँ समेत उन सारी पवित्र करी होई चिज्जां के भण्डारां का अधिकारी था, जो राजा दाऊद अर पितरां के घरान्यां के खास-खास आदमियाँ अर सहस्त्रपतियां अर शतपतियाँ अर खास सेनापतियाँ नै पवित्र करी थी। 27 जो लूट लड़ाईयाँ म्ह मिलै थी, उस म्ह तै उननै यहोवा का भवन मजबूत करण कै खात्तर कुछ पवित्र करया। 28 बल्के जितना शमूएल दर्शी, कीश के बेट्टे शाऊल, नेर के बेट्टे अब्नेर, अर सरूयाह के बेट्टे योआब नै पवित्र करया था, अर जो कुछ जिस किसे नै पवित्र कर राख्या था, वो सारा शलोमोत अर उसके भाईयाँ के हक म्ह था। 29 यिसहारियाँ म्ह तै कनन्याह अर उसके बेट्टे, इस्राएल के देश का काम यानिके सरदार अर न्यायी का काम करण कै खात्तर नियुक्त होए। 30 अर हेब्रोनियाँ म्ह तै हशब्याह अर उसके भाई जो सत्रह सौ बलवान माणस थे, वे यहोवा के सारे काम*26:30 सारे काम जिस म्ह दशमांश लेणा, मुक्तिदान अर अपणी इच्छा तै दान शामिल थे। अर राजा की सेवा के बारै यरदन के पश्चिम ओड़ रहणआळे इस्राएलियाँ के अधिकारी ठैहरे। 31 हेब्रोनियाँ म्ह तै यरिय्याह खास था, यानिके हेब्रोनियाँ की पीढ़ी-पीढ़ी के पितरां के घरान्यां कै मुताबिक दाऊद के राज्य के चाळीसवें साल म्ह वे ढूँढ़े गए, अर उन म्ह तै कई शूरवीर गिलाद के याजेर म्ह मिले। 32 उसके भाई जो वीर थे, पितरां के घरान्यां कै दो हजार सात सौ खास आदमी थे, इन ताहीं दाऊद राजा नै परमेसवर के सारे विषयों अर राजा कै बारै म्ह रूबेनियाँ, गादियाँ अर मनश्शे के आध्धे गोत्र का अधिकारी ठहराया।