रूबेन के वंशज
1 इस्राएल का जेठ्ठा तो रूबेन था, पर उसनै जो अपणे पिता के बिछोणे ताहीं अशुद्ध करया, इस कारण जेठ्ठे का हक इस्राएल के बेट्टे यूसुफ के बेट्टे ताहीं दिया गया। पीढी5:1 पीढी रूबेन नै बिल्हा के गैल कुकर्म करया था, जो उसके पिता की रखैलियाँ म्ह तै एक थी उत्पत्ति 35:22; 49:3-4। जेठ्ठे कै हक के मुताबिक न्ही ठैहरी। 2 जै यहूदा अपणे भाईयाँ पै हावी होग्या, अर प्रधान उसके वंश तै होया पर जेठ्ठे का हक यूसुफ का था 3 इस्राएल के जेठ्ठे बेट्टे रूबेन के बेट्टे ये होए: यानिके हनोक, पल्लू, हेस्रोन अर कर्मी। 4 योएल का बेट्टा शमायाह, शमायाह का गोग, गोग का शिमी, 5 शिमी का मीका, मीका का रायाह, रायाह का बाल, 6 अर बाल का बेट्टा बएराह, इसनै अश्शूर का राजा तिग्लत्पिलेसेर बन्दी बणाकै लेग्या; अर वो रूबेनियाँ का प्रधान था। 7 अर उसके भाईयाँ की पीढी के लिखदे बखत वे अपणे-अपणे कुल कै मुताबिक ये ठैहरे, यानिके खास तो यीएल, फेर जकर्याह, 8 अर अजाज का बेट्टा बेला जो शेमा का पोत्ता अर योएल का पड़पोत्ता था, वो अरोएर म्ह अर नबो अर बालमोन ताहीं रहवै था। 9 अर पूर्व की और वो उस बियाबान की हद ताहीं5:9 उस बियाबान की हद ताहीं वो यानिके रूबेन। पूर्व की और रूबेन का गोत्र सीरिया के विशाल रेगिस्तान ताहीं उसपै हक करे होए था जो फरात नदी तै उनकी हद ताहीं का था। रहया जो फरात महानद ताहीं पोहच्या सै, क्यूँके उनके पशु गिलाद देश म्ह बढ़ गए थे। 10 अर शाऊल के दिनां म्ह उननै हग्रियाँ तै युद्ध करया, अर हग्री उनकै हाथ तै मारे गए; फेर वे गिलाद के सारे पूर्वी भाग म्ह अपणे डेरयां म्ह रहण लाग्गे।
गाद के वंशज
11 गादी उनके स्याम्ही सल्का ताहीं बाशान देश म्ह रहवैं थे। 12 यानिके खास तो योएल अर दूसरा शापाम फेर यानै अर शापात, ये बाशान म्ह रहवैं थे। 13 अर उनके भाई अपणे-अपणे पितरां के घरान्यां कै मुताबिक मीकाएल, मशुल्लाम, शेबा, योरै, याकान, जी अर एबेर, सात थे। 14 ये अबीहैल के बेट्टे थे, जो हूरी का बेट्टा था, यो योराह का बेट्टा, यो गिलाद का बेट्टा, यो मीकाएल का बेट्टा, यो यशीशै का बेट्टा, यो यहदो का बेट्टा, यो बूज का बेट्टा था। 15 इनके पितरां के घरान्यां का खास आदमी अब्दीएल का बेट्टा, अर गूनी का पोत्ता अही था। 16 ये लोग बाशान म्ह, गिलाद अर उसके गाम्मां म्ह, अर शारोन की सारी चराईयाँ म्ह उसकी दुसरी और ताहीं रहवै थे। 17 इन सारया की पीढी यहूदा के राजा योताम के दिनां अर इस्राएल के राजा यारोबाम के दिनां म्ह लिक्खी गई। 18 रूबेनियाँ, गादियाँ अर मनश्शे के आध्धे गोत्र के योद्धा जो ढाल बाँधण, तलवार चलाण, अर धनुष के तीर छोड़ण कै लायक अर युद्ध करणा सीखे होए थे, वे चौवाळीस हजार सात सौ साठ थे, जो युद्ध म्ह जाणकै लायक थे। 19 इननै हग्रियाँ अर यतूर नापीश अर नोदाब तै युद्ध करया था। 20 उनकै खिलाफ इन ताहीं मदद मिली, अर हग्री उन सारया समेत जो उनकै गैल थे उनके हाथ म्ह कर दिए गए, क्यूँके युद्ध म्ह इननै परमेसवर की दुहाई दी थी अर उसनै उनकी बिनती इस कारण सुणी, के इननै उसपै भरोस्सा राख्या था। 21 अर इननै उनके पशु खोस लिए, यानिके ऊँट तो पचास हजार, भेड़-बकरी ढाई लाख, गधे दो हजार, अर माणस एक लाख कैदी करकै लेगे। 22 अर घणखरे मरे पड़े थे क्यूँके वो लड़ाई परमेसवर की और तै होई। अर ये उनके जगहां म्ह गुलाम्मी कै बखत ताहीं बसे रहे।
मनश्शे के वंशज (पूर्व म्ह रहणआळे)
23 फेर मनश्शे के आध्धे गोत्र की सन्तान उस देश म्ह बसगी, अर वे बाशान तै ले बालहेर्मोन, अर सनीर अर हेर्मोन पर्वत ताहीं फैल गए। 24 अर उनके पितरां के घरान्यां के खास आदमी ये थे, यानिके एपेर, यिशी, एलीएल, अज्रीएल, यिर्मयाह, होदव्याह अर यहदीएल, ये बड़े वीर अर नाम्मी अर अपणे पितरां के घरान्यां के खास आदमी थे। 25 पर उननै अपणे पितरां के परमेसवर तै बिश्वासघात करया, अर उस देश के माणस जिननै परमेसवर ताहीं उनकै स्याम्ही तै विनाश करया था, उनके देवत्यां कै पाच्छै व्यभिचारिणी की तरियां हो लिए। 26 ज्यांतै इस्राएल के परमेसवर नै अश्शूर के राजा पूल अर अश्शूर के राजा तिग्लत्पिलेसेर का मन उभारया, अर इननै उन ताहीं यानिके रूबेनियाँ, गादियाँ अर मनश्शे के आध्धे गोत्र के माणसां ताहीं कैदी करकै हलह, हाबोर5:26 हाबोर एक नगर या रेगिस्तान प्रतीत होवै सै। ना के नदी सै। अर हारा शहर अर गोजान नदी के धोरै पोंहचा दिया; अर वे आज कै दिन तक ओड़ैए रहवैं सैं।