लेवी की वंशावली
1 लेवी के बेट्टे गेर्शोन, कहात अर मरारी। 2 अर कहात के बेट्टे, अम्राम, यिसहार, हेब्रोन अर उज्जीएल। 3 अर अम्राम की सन्तान हारुन, मूसा अर मरियम, अर हारुन के बेट्टे, नादाब, अबीहू, एलीआजर अर ईतामार। 4 एलीआजर तै पीनहास, पीनहास तै अबीशू, 5 अबीशू तै बुक्की, बुक्की तै उज्जी, 6 उज्जी तै जरहयाह, जरहयाह तै मरायोत, 7 मरायोत तै अमर्याह, अमर्याह तै अहीतूब, 8 अहीतूब तै सादोक, सादोक तै अहीमास, 9 अहीमास तै अजर्याह, अजर्याह तै योहानान, 10 अर योहानान तै अजर्याह पैदा होया (जो सुलैमान कै यरुशलेम म्ह बणाए होए भवन म्ह याजक का काम करै था)। 11 अजर्याह तै अमर्याह, अमर्याह तै अहीतूब, 12 अहीतूब तै सादोक, सादोक तै शल्लूम, 13 शल्लूम तै हिल्किय्याह, हिल्किय्याह तै अजर्याह, 14 अजर्याह तै सरायाह, अर सरायाह तै यहोसादाक पैदा होया। 15 अर जिब यहोवा, यहूदा अर यरुशलेम ताहीं नबूकदनेस्सर के जरिये बन्दी बणाकै लेग्या, फेर यहोसादाक6:15 यहोसादाक इस नाम का मतलब सै यहोवा धर्मी सै। भी कैदी होकै गया। 16 लेवी के बेट्टे गेर्शोम, कहात अर मरारी। 17 अर गेर्शोम के बेट्यां के नाम ये थे, यानिके लिब्नी अर शिमी। 18 अर कहात के बेट्टे अम्राम, यिसहार, हेब्रोन अर उज्जीएल। 19 अर मरारी के बेट्टे महली अर मूशी अर अपणे-अपणे पितरां के घरान्यां कै मुताबिक लेवियाँ के कुल ये होए। 20 यानिके, गेर्शोम का बेट्टा लिब्नी होया, लिब्नी का यहत, यहत का जिम्मा। 21 जिम्मा का योआह, योआह का इद्दो, इद्दो का जेरह, अर जेरह का बेट्टा यातरै होया। 22 फेर कहात का बेट्टा अम्मीनादाब होया, अम्मीनादाब का कोरह, कोरह का अस्सीर, 23 अस्सीर का एलकाना, एलकाना का एब्यासाप, एब्यासाप का अस्सीर, 24 अस्सीर का तहत, तहत का ऊरीएल, ऊरीएल का उज्जियाह अर उज्जियाह का बेट्टा शाऊल होया। 25 फेर एल्काना के बेट्टे अमासै अर अहीमोत। 26 एल्काना का बेट्टा सोपै, सोपै का नहत, 27 नहत का एलीआब, एलीआब का यरोहाम, अर यरोहाम का बेट्टा एल्काना होया। 28 शमूएल के बेट्टे: उसका जेठ्ठा योएल अर दूसरा अबिय्याह होया। 29 फेर मरारी का बेट्टा महली, महली का लिब्नी, लिब्नी का शिमी, शिमी का उज्जा। 30 उज्जा का शिमा; शिमा का हग्गिय्याह अर हग्गिय्याह का बेट्टा असायाह होया।
परमेसवर के भवन के संगीतकार
31 फेर जिन ताहीं दाऊद नै सन्दूक कै भवन म्ह धरे जाणकै बाद, यहोवा के भवन म्ह गाण का अधिकारी ठहरा दिया वे ये सै। 32 जिब ताहीं सुलैमान यरुशलेम म्ह यहोवा के भवन नै बणवा न्ही लिया, जिब ताहीं वे मिलापआळे तम्बू के निवास के स्याम्ही गाण के जरिये सेवा करैं थे6:32 सेवा करैं थे आराधनालय म्ह संगीत की सेवा के शरुआत एवं लगातार।; अर इस सेवा म्ह नियम के मुताबिक मौजूद होया करैं थे। 33 जो अपणे-अपणे बेट्यां समेत मौजूद होया करैं थे वे ये सै, यानिके कहातियाँ म्ह तै हेमान गवैया जो योएल का बेट्टा था, अर योएल शमूएल का, 34 शमूएल एल्काना का, एल्काना यरोहाम का, यरोहाम एलीएल का, एलीएल तोह का, 35 तोह सूफ का, सूफ एल्काना का, एल्काना महत का, महत अमासै का, 36 अमासै एल्काना का, एल्काना योएल का, योएल अजर्याह का, अजर्याह सपन्याह का, 37 सपन्याह तहत का, तहत अस्सीर का, अस्सीर एब्यासाप का, एब्यासाप कोरह का, 38 कोरह यिसहार का, यिसहार कहात का, कहात लेवी का अर लेवी इस्राएल का बेट्टा था। 39 अर उसका भाई आसाप जो उसके दाहिने खड़या होया करै था वो बेरेक्याह का बेट्टा था, अर बेरेक्याह शिमा का, 40 शिमा मीकाएल का, मीकाएल बासेयाह का, बासेयाह मल्किय्याह का, 41 मल्किय्याह एत्नी का, एत्नी जेरह का, जेरह अदायाह का, 42 अदायाह एतान का, एतान जिम्मा का, जिम्मा शिमी का, 43 शिमी यहत का, यहत गेर्शोम का, गेर्शोम लेवी का बेट्टा था। 44 अर ओळी ओड़ उनके भाई मरारी खड़े होवैं थे, यानिके एतान जो कीशी का बेट्टा था, अर कीशी अब्दी का, अब्दी मल्लूक का, 45 मल्लूक हशब्याह का, हशब्याह अमस्याह का, अमस्याह हिल्किय्याह का, 46 हिल्किय्याह अमसी का, अमसी बानी का, बानी शेमेर का, 47 शेमेर महली का, महली मूशी का, मूशी मरारी का, अर मरारी लेवी का बेट्टा था; 48 अर इनके भाई जो लेवीय थे वे परमेसवर कै भवन के निवास की सारी तरियां की सेवा कै खात्तर अर्पण करे होए थे।
हारुन के बेट्टे
49 पर हारुन अर उसके बेट्टे होमबलि की वेदी, अर धूप की वेदी दोनुवां पै बलिदान चढ़ान्दे, अर परमपवित्र स्थान का सारा काम करदे, अर इस्राएलियाँ कै खात्तर प्रायश्चित करैं थे, जिसा के परमेसवर के दास मूसा नै हुकम दिया था। 50 अर हारुन के वंश म्ह ये होए: यानिके उसका बेट्टा एलियाजर होया, अर एलीआजर का पीनहास, पीनहास का अबीशू, 51 अबीशू का बुक्की, बुक्की का उज्जी, उज्जी का जरहयाह, 52 जरहयाह का मरायोत, मरायोत का अमर्याह, अमर्याह का अहीतूब, 53 अहीतूब का सादोक अर सादोक का अहीमास बेट्टा होया।
लेवियाँ के ठहराए होए निवास स्थान
54 उनके हिस्यां म्ह उनकी छावनियाँ कै मुताबिक उनकी बस्तियाँ ये सैं यानिके कहात के कुलां म्ह तै पैहली चिट्ठी जो हारुन की सन्तान कै नाम पै लिकड़ी; 55 यानिके च्यांरु और की चराईयाँ समेत यहूदा देश का हेब्रोन उननै मिल्या। 56 पर उस नगर के खेत अर गाम यपुन्ने के बेट्टे कालेब तै दिए गए। 57 अर हारुन की सन्तान तै शरणनगर हेब्रोन, अर चराईयाँ समेत लिब्ना, अर यत्तीर नगर अर अपणी-अपणी चराईयाँ समेत एश्तमो; 58 अपणी-अपणी चराईयाँ समेत हीलेन अर दबीर; 59 आशान अर बेतशेमेश। 60 अर बिन्यामीन के गोत्र म्ह तै अपणी-अपणी चराईयाँ समेत गेबा, आलेमेत अर अनातोत दिए गए। उनके घरान्यां के सारे नगर तेरह थे।
61 अर बचे होए कहातियाँ के गोत्र के कुल, यानिके मनश्शे के आध्धे गोत्र म्ह तै चिट्ठी डालकै दस नगर दिए गए। 62 अर गेर्शोमियाँ के कुलां कै मुताबिक उननै इस्साकार, आशेर अर नप्ताली के गोत्र, अर बाशान म्ह रहणआळे मनश्शे के गोत्र म्ह तै तेरह नगर मिले। 63 मरारियाँ के कुलां कै मुताबिक उननै रूबेन, गाद अर जबूलून के गोत्रां म्ह तै चिट्ठी डालकै बारहा नगर दिए गए। 64 इस्राएलियाँ नै लेवियाँ ताहीं ये नगर चराईयाँ समेत दिए। 65 उन ताहीं यहूदियाँ, शिमोनियां अर बिन्यामीनियाँ के गोत्रां म्ह तै वे नगर दिए, जिनके नाम उप्पर दिए गए सैं।
66 अर कहातियाँ के कई कुलां ताहीं उनके भाग के नगर एप्रैम के गोत्र म्ह तै मिले। 67 सो उन ताहीं अपणी-अपणी चराईयाँ समेत एप्रैम की पहाड़ी देश का शेकेम जो शरणनगर था, फेर गेजेर, 68 योकमाम, बेथोरोन शहर, 69 अय्यालोन अर गत्रिम्मोन; 70 अर मनश्शे के आध्धे गोत्र म्ह तै अपणी-अपणी चराईयाँ समेत आनेर अर बिलाम बाकी कहातियाँ के कुल ताहीं मिले। 71 फेर गेर्शोमियाँ ताहीं मनश्शे के आध्धे गोत्र के कुल म्ह तै तो अपणी-अपणी चराईयाँ समेत बाशान का गोलन अर अश्तारोत; 72 अर इस्साकार के गोत्र म्ह तै अपणी-अपणी चराईयाँ समेत केदेश, दाबरात, 73 रामोत अर आनेम, 74 अर आशेर के गोत्र म्ह तै अपणी-अपणी चराईयाँ समेत माशाल, अब्दोन, 75 हूकोक अर रहोब; 76 अर नप्ताली के गोत्र म्ह तै अपणी-अपणी चराईयाँ समेत गलील का केदेश हम्मोन अर किर्यातैम मिले। 77 फेर बचे होए लेवियाँ यानिके मरारियाँ ताहीं जबूलून के गोत्र म्ह तै तो अपणी-अपणी चराईयाँ समेत रिम्मोन अर ताबोर। 78 अर यरीहो कै धोरै की यरदन नदी के पूर्व और रूबेन के गोत्र म्ह तै तो अपणी-अपणी चराईयाँ समेत जंगळ का बेसेर, यहस, 79 कदेमोत अर मेपात; 80 अर गाद के गोत्र म्ह तै अपणी-अपणी चराईयाँ समेत गिलाद का रामोत महनैम, 81 हेशबोन अर याजेर दिए गए।