1 इतिहास 20

रब्‍बाह पै जीत

1 फेर नये साल के शरुआत म्ह जिब राजे युद्ध करण नै लिकड़या करैं सैं, फेर योआब नै भारी सेना गैल ले जाकै अम्मोनियाँ का देश उजाड़ दिया अर आकै रब्‍बाह ताहीं घेर लिया; पर दाऊद यरुशलेम म्ह रह गया; अर योआब नै रब्‍बाह ताहीं जीत कै ढ़ा दिया*20:1 2 शमूएल 11:1। 2 फेर दाऊद नै उनके राजा का मुकुट*20:2 उनके राजा का मुकुट अम्मोनी देवता, मिल्कोम की मूर्ति के सिर तै उसकै सिर तै उतारकै के देख्या, के उसका तौल किक्‍कार भर सोन्‍ने का सै, अर उस म्ह मणि भी जड़े थे; अर वो दाऊद कै सिर पै धरया गया। फेर उस नगर तै घणा सामान लूट म्ह मिल्या। 3 उसनै उन म्ह रहण आळयां ताहीं लिकाड़कै आरयां अर लोहे के गेत्ती अर कुल्हाड़ियां तै कटवाया; अर अम्मोनियाँ के सारे नगरां कै गैल भी दाऊद नै उसाए करया। फेर दाऊद सारे माणसां समेत यरुशलेम नै बोहड़ गया।

पलिश्ती दानवां का नाश

4 इसकै बाद गेजेर म्ह पलिश्तियाँ कै गैल युद्ध होया; उस बखत हूशाई सिब्बकै*20:4 सिब्बकै इस नाम का मतलब सै परमेसवर सुधि लेवै सै, वो दाऊद की सेना के शूरवीरां म्ह तै एक था। नै सिप्पै ताहीं, जो रपाई की सन्तान था, मार गेरया; अर वे दब गए। 5 पलिश्तियाँ कै गैल फेर युद्ध होया; उस म्ह याईर के बेट्टे एल्हनान नै गती गोलियत के भाई लहमी ताहीं मार गेरया, जिसके बर्छे की छड़, जुलाहे की डोंगी के बराबर थी। 6 फेर गत म्ह भी युद्ध होया, अर ओड़ै एक बड़े डील-डोल का माणस था, जो रापा की सन्तान था, अर उसके एक-एक हाथ-पैर म्ह छः-छः उगंळियां यानिके सारी मिलाकै चौबीस उगंळियां थी। 7 जिब उसनै इस्राएलियाँ ताहीं ललकारया, फेर दाऊद के भाई शिमा के बेट्टे योनातान नै उस ताहीं मारया। 8 येए गत म्ह रापा तै पैदा होए थे, अर वे दाऊद अर उसके सैनिकां के हाथ तै मार गेरे गए।