पत्थर की नई पटियाँ
1 "उस बखत यहोवा नै मेरै तै कह्या, ‘पैहली पटियाँ की ढाळ पत्थर की दो और पटियाँ गड़ ले, अर उननै लेकै मेरै धोरै पहाड़ कै उप्पर आ ज्या, अर लाकड़ी का एक सन्दूक भी बणवा ले। 2 अर मै उन पटियाँ पै वेए वचन लिक्खूँगा, जो उन पैहली पटियाँ पै थे, जिन ताहीं तन्नै तोड़ दिया, अर तू उननै उस सन्दूक म्ह धरिये।’ 3 फेर मन्नै किक्कर की लाकड़ी का एक सन्दूक बणवाया, अर पैहली पटियाँ की ढाळ पत्थर की दो और पटियाँ गढ़ी, फेर उननै हाथ्थां म्ह लिए होए पहाड़ पै चढ़ ग्या। 4 अर जो दस वचन यहोवा नै सभा कै दिन पहाड़ पै आग कै बिचाळै तै थारै ताहीं कहे थे, वेए उसनै पैहल्या की ढाळ उन पटियाँ पै लिक्खे; अर उन ताहीं मेरे तै सौंप दिया। 5 फेर मै पहाड़ तै तळै उतर आया, अर पटियाँ नै अपणे बणवाए होए सन्दूक म्ह धर दिया; अर यहोवा के हुकम कै मुताबिक वे ओड़ैए धरी होई सैं।"