मूसा का कनान म्ह प्रवेश करण तै मना करणा
23 "उसे बखत मन्नै यहोवा तै गिड़गिड़ाकै बिनती करी, 24 ‘हे प्रभु यहोवा, तू अपणे दास नै अपणी महिमा अर बलवन्त हाथ दिखाण लाग्या सै; सुर्ग म्ह अर धरती पै इसा कौण देवता सै जो तेरे जिसे काम अर वीरता कै काम कर सकै? 25 ज्यांतै मन्नै परली ओड़ पार जाण दे के यरदन नदी कै परली ओड़ उस बढ़िया देश नै, यानिके उस उत्तम पहाड़ अर लबानोन नै भी देखण पाऊँ।’ 26 पर यहोवा थारै कारण मेरै तै नाराज होग्या, अर मेरी न्ही सुणी; बल्के यहोवा नै मेरै तै कह्या, ‘बस कर; इस बारै म्ह फेर कदे मेरै तै बात ना करिये। 27 पिसगा पहाड़ की चोट्टी पै चढ़ जा, अर पूर्व, पश्चिम, उत्तर, दक्षिण, चौगरदे ताहीं निगांह करकै उस देश नै देख ले; क्यूँके तू इस यरदन नदी कै परली ओड़ जाण न्ही पावैगा। 28 अर यहोशू नै हुकम दे, अर उस ताहीं धीरज बन्धाकै मजबूत कर; क्यूँके इन माणसां कै आग्गै-आग्गै वोए परली ओड़ पार जावैगा, अर जो देश तू देक्खैगा उस ताहीं वोए उनका खुद का हिस्सा करा देगा।’