व्यवस्थाविवरण 8:2,3

2 अर याद राखियो के तेरा परमेसवर यहोवा उन चाळीस साल्‍लां म्ह थमनै सारे जंगळ-बियाबान कै राह म्ह तै इस करकै ले आया सै, के वो थमनै नम्र बणावै, अर तेरी परीक्षा लेकै न्यू जाण ले के तेरै मन म्ह के-के सै, अर के तू उसके हुकमां का पालन करैगा के न्ही। 3 उसनै तेरै ताहीं नम्र बणाया, अर भूक्खा भी होण दिया, फेर वो मन्‍ना, जिस ताहीं ना तू अर ना तेरे पूर्वज भी जाणै थे, वोए तेरै ताहीं खुवाया; इस करकै के वो तन्‍नै सिखावै के माणस सिर्फ रोट्टी तै ए न्ही जिन्दा रहन्दा, पर जो-जो वचन यहोवा कै मुँह तै लिकड़ै सैं उनतै ए वो जिन्दा रहवै सै।