18 फेर थारे उस महापाप कै कारण जिस ताहीं करकै थमनै यहोवा की निगांह म्ह बुराई करी, अर उस ताहीं रिस दुवाई थी, मै यहोवा कै स्याम्ही मुँह कै बळ गिर पड़या, अर पैहल्या की तरियां, यानिके चाळीस दिन अर चाळीस रात तक, ना तो रोट्टी खाई अर ना पाणी पिया। 19 मै तो यहोवा कै उस प्रकोप अर जळण तै डरया होया था, क्यूँके वो थारै तै नाराज होकै थारा सत्यानाश करण पै था। पर यहोवा नै उस बार भी मेरी सुण ली।
25 "मै यहोवा कै स्याम्ही चाळीस दिन अर चाळीस रात मुँह कै बळ पड्या रह्या, क्यूँके यहोवा नै कह दिया था, के वो थारा सत्यानाश करैगा। 26 अर मन्नै यहोवा तै या प्रार्थना करी, ‘हे प्रभु यहोवा, अपणा प्रजारुप्पी खुद का भाग, जिन ताहीं तन्नै अपणे महान् प्रताप तै छुड़ा लिया सै, अर जिन ताहीं तन्नै अपणे बलवन्त हाथ तै मिस्र देश तै लिकाड़ लिया सै, उननै नाश ना करै।