5 इस करकै इब तै तेरा नाम अब्राम न्ही रहवैगा पर तेरा नाम अब्राहम होवैगा; क्यूँके मन्नै तेरे ताहीं घणी जात्तां का मूलपिता ठहराया सै।
10 मेरै गेल्या करया होया करार, जिसका पालन तन्नै अर तेरे बाद तेरी पीढ़ी नै करणा पड़ैगा, वो योए सै: थारे म्ह तै हरेक माणस का खतना हो।
16 मै उसनै आशीष दियुँगा, अर तेरे तै उसकै जरिये एक बेट्टा दियुँगा; अर मै उसनै इसी आशीष दियुँगा, के वो जात-जात की मूलमाता हो ज्यागी; अर उसकी पीढ़ी म्ह राज्य-राज्य के राजा पैदा होवैगें।" 17 फेर अब्राहम मुँह कै बळ गिर ग्या अर हाँस्या, अर मन ए मन कहण लाग्या, "के सौ साल कै माणस कै भी औलाद होवैगी अर के सारा जो नब्बे साल की सै बेट्टा पैदा करैगी?" 19 फेर परमेसवर नै कह्या, "जरुर तेरी घरआळी सारा कै तेरे तै एक बेट्टा पैदा होवैगा; अर तू उसका नाम इसहाक धरिये; अर मै उसकै गेल्या इसा करार करुँगा जो उसकै बाद उसकै खानदान कै खात्तर युग-युग का करार होवैगा।
23 फेर अब्राहम नै अपणे बेट्टे इश्माएल ताहीं लिया अर, उसकै घर म्ह जितने पैदा होए थे, अर जितने उसकै रपिये तै मोल लिये गये थे, यानिके उसके घर म्ह जितने माणस थे, उन सारया नै लेकै उस्से दिन परमेसवर कै वचन कै मुताबिक उनकी खलड़ी का खतना करया।