उत्पत्ति 2:18,21-23

18 फेर यहोवा परमेसवर नै कह्या, "आदम का एक्ला रहणा ठीक कोनी; मै उसकै खात्तर एक इसा मददगार बणाऊँगा जो उसकै लायक होवैगा।" 21 फेर यहोवा परमेसवर नै आदम ताहीं गहरी नींद म्ह गेर दिया, अर जिब वो सो ग्या तो उसनै उसकी एक पसळी लिकाड़कै उसकी जगहां माँस भर दिया। 22 अर यहोवा परमेसवर नै उस पसळी ताहीं जो उसनै आदम म्ह तै काढी थी, नारी बणा दिया; अर उस ताहीं आदम कै धोरै ले आया। 23 फेर आदम नै कह्या, "इब या मेरी हाड्डियाँ म्ह की हाड्डी अर मेरै माँस म्ह का माँस सै; ज्यांतै इसका नाम नारी होवैगा, क्यूँके या नर म्ह तै लिकाड़ी गई सै।"