2 अर अब्राहम अपणी घरआळी सारा कै बारै म्ह कहण लाग्या, "वा मेरी भाण सै," ज्यांतै गरार के राजा अबीमेलेक नै दूत भेजकै सारा ताहीं बुलवा लिया।
9 फेर अबीमेलेक नै अब्राहम तै बुलवाकै कह्या, "तन्नै म्हारै गैल यो के करया? अर मन्नै तेरा के बिगाड़ा था मन्नै तेरे बिरुध्द कौण सा पाप करया के तन्नै मेरै अर मेरै राज्य के बासिन्दया तै इतणा बड़ा पाप म्ह फँसा दिया सै? तन्नै मेरै गेल्या वो काम करया सै जो ठीक न्ही था।" 10 फेर अबीमेलेक नै अब्राहम तै पूच्छया, "तन्नै के सोचकै इसा काम करया?" 11 अब्राहम नै उत्तर दिया, "मन्नै न्यू सोच्या था के इस जगहां परमेसवर का डर न्ही होगा; इस करकै ये माणस मेरी घरआळी कै कारण मेरे ताहीं मार देवैंगे। 12 इसकै अलावा सच म्ह वा मेरी भाण सै, वा मेरे पिता की बेट्टी तो सै पर मेरी माँ की बेट्टी कोनी; फेर वा मेरी घरआळी होगी। 13 अर जिब परमेसवर नै मेरै ताहीं अपणे पिता का घर छोड़कै लिकड़ण का हुकम दिया, तो मन्नै उसतै कह्या, ‘इतणी दया तन्नै मेरै पै करणी होगी के हम दोन्नु जित्त-जित्त जावां ओड़ै-ओड़ै तू मेरै बारै म्ह कहिये के यो मेरा भाई सै।’"