इसहाक का जन्म
1 यहोवा नै जिसा कह्या था उस्से तरियां ए सारा की सुधि लेकै उसकै गेल्या अपणे वचन कै मुताबिक करया। 2 सारा अब्राहम तै गर्भवती होकै उसकै बुढ़ापे म्ह उस्से बताए होए बखत पै जो परमेसवर नै उसतै तय करया था, एक बेट्टा पैदा होया। 3 अब्राहम नै अपणे बेट्टे का नाम जो सारा तै पैदा होया था उसका नाम इसहाक धरया। 5 जिब अब्राहम का बेट्टा इसहाक पैदा होया तो वो सौ साल का था। 6 अर सारा नै कह्या, "परमेसवर नै मेरै ताहीं प्रफुल्लित करया सै; इस करकै सारे सुणण आळे भी मेरै गेल्या प्रफुल्लित होवैगें।" 7 फेर उसनै यो भी कह्या, "के कोए कदे अब्राहम तै कह सकै था, के सारा छोरे नै दूध प्यावैगी? पर देक्खों, मेरै तै उसकै बुढ़ापे म्ह एक बेट्टा पैदा होया।"