2 परमेसवर नै कह्या, "अपणे बेट्टे नै यानिके अपणे इकलौते बेट्टे इसहाक नै, जिसतै तू प्यार करै सै, गैल लेकै मोरिय्याह देश म्ह चल्या जा, अर ओड़ै उसनै एक पहाड़ कै उप्पर जो मै तन्नै बताऊँगा होमबलि करकै चढ़ा।" 8 अब्राहम नै कह्या, "हे मेरै बेट्टे, परमेसवर होमबलि की भेड़ का इन्तजाम आप्पे करैगा।" अर वे दोन्नु गैल-गैल आग्गै चाल्दे गये।
13 फेर अब्राहम नै आँख ठाकै और के देख्या, के उसकै पाच्छै एक मिंढा अपणे सीन्गां तै एक झाड़ी म्ह फँस रहया सै; आखर म्ह अब्राहम नै जाकै उस मिंढे ताहीं लिया, अर अपणे बेट्टे की जगहां पै होमबलि करकै चढ़ाया। 14 अब्राहम नै उस जगहां का नाम यहोवा यिरे22:14 यिरे वो परमेसवर जो सब कुछ देवै सै धरया, इसकै मुताबिक आज ताहीं भी कह्या जावै सै, "यहोवा कै पहाड़ पै इन्तजाम करया जावैगा।"