उत्पत्ति 24:15-20

15 अर इसा होया के जिब वो कहण ए लागरया था तो रिबका, जो अब्राहम के भाई नाहोर के जन्माये मिल्का के बेट्टे, बतूएल की बेट्टी थी, वा कधैं पै घड़ा लिये होए आई। 16 वा घणी सुथरी, अर कुवारी थी, अर किसे आदमी का मुँह न्ही देख्या था। वा कुएँ म्ह चोए कै धोरै उतरगी, अर अपणा घड़ा भरकै फेर उप्पर आई। 17 फेर अब्राहम के सेवक नै उसकै धोरै जाकै उसतै कह्या, "अपणे घड़े म्ह तै थोड़ा पाणी मन्‍नै प्या दे।" 18 उसनै कह्या, "हे मेरे प्रभु, ले, पी ले," अर उसनै तावळी सी घड़ा तारकै हाथ म्ह लिये-लिये उसतै पाणी प्याया। 19 जिब वा उसनै पाणी प्या चुकी, फेर कह्या, "मै तेरे ऊँटां कै खात्तर भी जिब तक पाणी भर-भरकै ल्याऊँगी, जिब ताहीं वे पूरी तरियां तै छिक ना ले।" 20 फेर वा फुर्ती तै अपणे घड़े का पाणी हौदी म्ह गेर कै फेर तगाज्जे तै कुएँ पै भरण नै गई; अर उसके सारे ऊँटां कै खात्तर पाणी भर दिया।