20 अर इसहाक नै चाळीस साल का होकै रिबका ताहीं, जो पद्दनराम कै वासी, अरामी बतूएल की बेट्टी, अर अरामी लाबान की भाण थी, ब्याह लिया। 21 इसहाक की घरआळी तो बाँझ थी, इस करकै उसनै उसकै कारण यहोवा तै बिनती करी; अर यहोवा नै उसकी बिनती सुणी, इस तरियां उसकी घरआळी रिबका गर्भवती होई। 22 उसकै गर्भ म्ह छोरे आप्पस म्ह लिपटकै एक दूसरा नै मारण लाग्गे। फेर उसनै कह्या, "मेरी जो इसीए हालत रहवैगी तो मै किस तरियां जिन्दा रहूँगी?" अर वा यहोवा की मर्जी बुझण नै गयी।
23 फेर यहोवा नै उसतै कह्या,
"तेरे गर्भ म्ह दो देशां की जात सैं,
अर तेरी कोख तै लिकड़दे ए दो
राज्य के माणस न्यारे-न्यारे होवैगें
अर एक राज्य के माणस दुसरे तै
घणे सामर्थी होवैगें अर बड़ा
बेट्टा छोट्टे के अधीन होवैगा।"
26 पाच्छै उसका भाई अपणे हाथ तै एसाव की एड़ी पकड़े होए पैदा होया; अर उसका नाम याकूब धरया गया। जिब रिबका नै उनतै जन्म दिया तब इसहाक साठ साल का था।
एसाव के जरिये पहलौठे का हक बेचणा
27 फेर वे छोरे बढ़ण लाग्गे अर एसाव तो बणवासी होकै चलाक शिकार खेलण आळा होग्या, पर याकूब सीध्धा माणस था, अर तम्बूआं म्ह रह्या करै था। 28 इसहाक एसाव का शिकार करया होया माँस खाणा पसन्द करया करै था, ज्यांतै वो उसतै प्यार करै था; पर रिबका याकूब तै प्यार करै थी।