10 अपणे मामा लाबान की बेट्टी राहेल नै, अर उसकी भेड़-बकरियाँ ताहीं भी देखकै याकूब नै धोरै जाकै कुएँ कै मुँह पै तै पत्थर लुढ़का कै अपणे मामा लाबान की भेड़-बकरियाँ तै पाणी प्याया। 11 फेर याकूब नै राहेल ताहीं चुम्या, अर जोर-जोर तै रोया।
याकूब की राहेल खात्तर सात साल की सेवा
18 इस करकै याकूब नै, जो राहेल तै प्यार करया करदा, कह्या, "मै तेरी छोट्टी बेट्टी राहेल कै खात्तर सात साल तेरी सेवा करुँगा।" 20 पर याकूब नै राहेल कै खात्तर सात साल ताहीं सेवा करी; अर वे उस ताहीं राहेल के प्यार कै कारण थोड़े-से दिनां कै बराबर जाण पड़े।
25 जिब सबेर होई तो उसनै लिआ ताहीं देख्या, इस करकै उसनै लाबान तै कह्या, "यो तन्नै मेरै गैल के करया सै? मन्नै तेरे गेल्या रहकै जो तेरी सेवा करी, तो के राहेल कै खात्तर न्ही करी? फेर तन्नै मेरै तै क्यूँ इसा छळ करया सै?"
याकूब तै राहेल का भी दिया जाणा
27 "इसका सप्ताह तो पूरा कर29:27 इसका सप्ताह तो पूरा कर इस हफ्तै के ब्याह/खुशी नै मानणा; फेर मै अपणी दुसरी बेट्टी भी तन्नै और सात साल की सेवा कै बदलै म्ह दे दियुँगा।" 30 फेर याकूब राहेल कै धोरै भी गया, अर उसका प्यार लिआ तै घणा राहेल पै होया, अर उसनै लाबान खात्तर और सात साल उसकी सेवा करी।