6 जनान्नी नै देख्या के उस दरखत का फळ खाण म्ह आच्छा, अर देखण म्ह मनोहर, अर बुद्धि देण कै खात्तर चाहण लायक भी सै, फेर उसनै उस म्ह तै तोड़कै कुछ खाया; अर कुछ अपणे पति तै भी दिया, जो उसकै गेल्या था दोनुआ नै मिलकै खाया।
पाप का नतिज्जा
8 फेर यहोवा परमेसवर, जो दिन के ठंडे बखत बाग म्ह फिरै था, उसकी चाल्लण की आवाज उननै सुणाई दी। इस करकै आदम अर उसकी घरआळी यहोवा परमेसवर तै बाग के दरखतां कै बिचाळै छिपगे।
15 अर मै तेरै अर इस जनान्नी कै बीच म्ह, अर तेरै वंश अर इसकै वंश कै बीच म्ह बैर पैदा करुँगा, अर वो तेरे सिर नै कुचळ देगा, अर तू उसकी एड्डी नै डसैगा।"
19 अर अपणे माथे के पसीन्ने की रोट्टी खाया करैगा, अर अन्त म्ह माट्टी म्ह मिल जावैगा; क्यूँके तू उस्से म्ह तै बण्या सै, तू माट्टी ए तो सै अर माट्टी म्ह ए दुबारै मिल जावैगा।"
24 आदम ताहीं उसनै लिकाड़ दिया अर जीवन कै दरखत की राह का पैहरा देण कै खात्तर अदन के बाग के पूरब की ओड़ करूबां ताहीं, अर चौगरदे घूमणआळी अग्निमय तलवार ताहीं भी ठहरा दिया।