उत्पत्ति 4

12 जै तू धरती पै खेत्ती करै, फेर भी उसकी पूरी पैदावार तन्‍नै न्ही मिलैगी, अर तू धरती पै भटकण आळा अर भगोड़ा होवैगा।" 13 फेर कैन नै यहोवा तै कह्या, "मेरी सजा सहण तै बार सै। 14 देख, तन्‍नै आज कै दिन मेरै ताहीं इस जगहां म्ह तै काढ़ दिया सै अर मै तेरी निगांह की आड़ म्ह रहूँगा अर धरती पै भटकण आळा अर भगोड़ा रहूँगा; अर जो कोए मन्‍नै पावैगा, मन्‍नै मार देगा।" 15 इस करकै यहोवा नै उसतै कह्या, "जो कोए कैन नै मारैगा उसतै सात गुणा बदला लिया जावैगा।" अर यहोवा नै कैन कै खात्तर एक निशान ठहराया इसा ना हो के कोए उस ताहीं पाकै मार गेरै।

कैन के वंशज

16 फेर कैन यहोवा कै स्याम्ही तै लिकड़ ग्या अर नोद*4:16 नोद घुमण खात्तर भूमि नाम के देश म्ह, जो अदन कै पूरब की ओड़ सै, रहण लाग्या।