फिरौन का सपना
1 पूरे दो साल कै बीतण पै फिरौन नै यो सपना देख्या के वो नील नदी कै किनारे खड्या सै। 2 अर नील नदी म्ह तै सात सुन्दर अर मोट्टी-मोट्टी गां लिकड़कै कछार की घास चरण लाग्गी। 3 अर, के देक्खै सै के उनकै पाच्छै सात और गां नील नदी तै लिकड़ी; जो भुन्डी अर कमजोर सैं, अर दुसरी गायां कै धोरै नदी कै तट पै जा खड़ी होई। 4 फेर ये भुन्डी अर कमजोर गां उन सात सुन्दर अर मोट्टी-मोट्टी गायां नै खागी। फेर फिरौन जाग ग्या। 5 अर वो फेर दुबारै सो ग्या, अर दूसरा सपना देख्या के एक डंठळ म्ह तै सात मोट्टी अर आच्छी-आच्छी गेहूँ की बाल लिकड़ी। 6 अर, के देख्या के उनकै पाच्छै सात गेहूँ की बाल पतली अर पुरवाई तै मुरझाई होई लिकड़ी। 7 अर इन पतळी बाल्लां नै उन सात्तु मोट्टी अर अन्न तै भरी होई बाल्लां ताहीं निगळ लिया। फेर फिरौन जाग ग्या अर उस ताहीं बेरा पाट्या के यो सपना ए था। 8 तड़कैए-तड़कै फिरौन का मन व्याकुल होया; अर उसनै मिस्र देश के सारे जादूगर अर पंडितां ताहीं बुलावा भेज्या; अर उन ताहीं अपणे सपने बताए; पर उन म्ह तै कोए भी उनका फळ फिरौन तै न्ही बता सक्या।
16 यूसुफ नै फिरौन तै कह्या, हे महान राजा, "मै तो किमे न्ही जाणदा: पर परमेसवर ए फिरौन नै शुभ वचन देवैगा।"
25 फेर यूसुफ नै फिरौन तै कह्या, "फिरौन का सपना एक ए सै, परमेसवर जो काम करणा चाहवै सै, उस ताहीं उसनै फिरौन पै जाहिर करया सै। 32 अर फिरौन नै जो यो सपना दो बार देख्या सै इसका भेद योए सै के या बात परमेसवर की ओड़ तै तय हो ली सै, अर परमेसवर इसनै तावळा-ए पूरा करैगा।