15 फिरौन नै यूसुफ तै कह्या, "मन्नै एक सपना देख्या सै, अर उसकै फळ का बताण आळा कोए भी कोनी; अर मन्नै तेरै बारै म्ह सुण्या सै, के तू सपना सुणदे ए उसका फळ बता सकै सै।" 16 यूसुफ नै फिरौन तै कह्या, हे महान राजा, "मै तो किमे न्ही जाणदा: पर परमेसवर ए फिरौन नै शुभ वचन देवैगा।"
25 फेर यूसुफ नै फिरौन तै कह्या, "फिरौन का सपना एक ए सै, परमेसवर जो काम करणा चाहवै सै, उस ताहीं उसनै फिरौन पै जाहिर करया सै। 28 या वाए बात सै जो मै फिरौन तै कह चुक्या सूं, के परमेसवर जो काम करणा चाहवै सै, उस ताहीं उसनै फिरौन तै दिखाया सै। 32 अर फिरौन नै जो यो सपना दो बार देख्या सै इसका भेद योए सै के या बात परमेसवर की ओड़ तै तय हो ली सै, अर परमेसवर इसनै तावळा-ए पूरा करैगा।