16 यहूदा नै कह्या, "हम अपणे स्वामी तै के कहवां? हम के कहकै खुद नै बेकसूर ठहरावां? परमेसवर नै तेरे दास्सां के अधर्म ताहीं पकड़ लिया सै। हम, अर जिसकै धोरै तेरा कटोरा लिकड़या सै वो भी, हम सब इब अपणे स्वामी के गुलाम ए सां।"
बिन्यामीन खात्तर यहूदा की बिनती
18 फेर यहूदा उसकै धोरै जाकै कहण लाग्या, "हे मेरै स्वामी, तेरे दास नै अपणे स्वामी तै एक बात कहण की इजाजत दे, अर तेरा छो तेरे दास पै ना भड़कै; क्यूँके तू तो फिरौन कै बराबर सैं। 32 फेर तेरा दास मै अपणे पिता कै धोरै न्यू कहकै इस छोरे का जिम्मेवार होया सूं, ‘जै मै इस ताहीं तेरे धोरै न्ही पोंहचा पाऊँ, तो मै जिन्दगी भर तेरा कसूरवार ठहरूँगा।’ 33 इस करकै इब तेरा दास इस छोरे कै बदले अपणे स्वामी का दास होकै रहण की इजाजत पावै, अर यो छोरा अपणे भाईयाँ कै गैल जाण दिया जावै। 34 क्यूँके छोरे कै बिना मै किस तरियां अपणे पिता कै धोरै जा सकूँगा; इसा ना हो के मेरे पिता पै जो दुख पड़ण आळा सै, वो मन्नै देखणा पड़ै।"