परमेसवर का करार
15 फेर परमेसवर नै नूह तै कह्या, 16 "तू अपणे बेट्टे, घरआळी अर बहुआं समेत जहाज म्ह तै बाहर लिकड़ आ। 17 तेरै गैल जितने जिन्दा प्राणी सैं यानी पशु-पंछी, जीव-जन्तु, जानवर अर सारे ढाळ के रेंगण आळे जन्तु जो धरती पै रेंगै सैं; उन सारया नै अपणे गैल लिकाड़ ले आ ताके धरती पै उनतै भोत सारे बच्चे पैदा होवै अर वे फूल्लै-फळै, अर धरती पै फैल जावै।" 18 फेर नूह अर उसके बेट्टे अर उसकी घरआळी अर सारी बहू, उसकै गैल लिकड़ आई। 19 अर सारे च्यार पैरां आळे जानवर, रेंगण आळे जन्तु, पंछी, अर जितने जीव जन्तु धरती पै चाल्लै-फिरै सैं, अर सारे ढाळ के जीव जहाज म्ह तै लिकड़ आए।