उत्पत्ति 9:12-17

12 फेर परमेसवर नै कह्या, "जो करार मै थारै गैल, अर जितने जिन्दा प्राणी थारे गैल सैं उन सबकै गैल भी युग-युग की पीढ़ियाँ कै खात्तर करुँ सूं; उसका यो निशान सै: 13 मन्‍नै बादळ म्ह अपणा धनुष धरया सै, वो मेरै अर धरती कै बीच करार का निशान होवैगा। 14 अर जिब मै धरती पै बादळ फैलाऊं फेर बादळ म्ह धनुष दिखाई देवैगा। 15 मेरा जो करार थारै अर सारे जिन्दा देहधारी प्राणियाँ कै गैल सै; उस ताहीं मै याद करुँगा, फेर इसा जल-प्रलय कदे भी न्ही आवैगा, जिसतै सब प्राणियाँ का नाश हो। 16 जिब भी बादळ म्ह जो धनुष होवैगा मै उसनै देखकै यो सदा के करार नै याद करुँगा, जो परमेसवर कै अर धरती पै के सारे जिन्दा देहधारी प्राणियाँ कै बीच करया सै।" 17 फेर परमेसवर नै आखर म्ह नूह तै कह्या, "जो करार मन्‍नै धरती के सारे प्राणियाँ कै गैल करया सै, उसका निशान योए सै।"