4 तैखन पलिश्ती केरे डेरन मरां गोलियत नंव्वेरो अक बहादर निस्सो, ज़ै गत नगरेरो रानेबालो थियो, ते तैसेरी लम्बाई लगभग शा हथ थी।
33 शाऊले दाऊदे सेइं ज़ोवं, "तू गेइतां तैस पलिश्ती योद्धारे खलाफ लड़ाई न केरि सखस; किजोकि तू त मट्ठूस, ते तै छोट्टी उमरी करां लेइतां अज़ तगर योद्धा आहे।" 37 दाऊदे इन भी ज़ोवं, "यहोवा ज़ैनी अवं शेर ते इछ़ दूईयां केरे पंजे मरां बच़ाव, तैए मीं तैस पलिश्तेरे हथ्थेरां भी बच़ालो।" तैखन शाऊले दाऊदे सेइं ज़ोवं, "गा, यहोवा तीं सेइं साथी राए।" 40 तैखन तैनी अपनि सोटी हथ्थे मां ट्लाई ते नाले मरां चिकने पंच़ घोड़ तैलतां अपने पुहालेरी थेली, मतलब अपने झोले मां रख्खे; ते अपनो छ़िंगलोट हथ्थे मां नेइतां पलिश्ती गोलियतेरे नेड़े जेव।
45 दाऊदे पलिश्ती योद्धा जो ज़ोवं, "तू त तलवार, भालो ते बलम ट्लेइतां मीं कांजो एवरोस; पन अवं सेनारे यहोवारे नंव्वे सेइं तीं कां एइताईं, ज़ै इस्राएली सेनारो परमेशरे, ते तैए तीं ललकारोरोए।
49 फिरी दाऊदे अपने झोले मां हथ छ़ेडतां तैस मरां अक घोड़ कढो, ते तै छ़िंगलोटे मां छ़ेडतां पलिश्ती गोलियतेरे कुपाए पुड़ एन्च़रे बज़्ज़ो, कि तै ज़मीनी पुड़ तुत्तरेरे भारे बिछ़ड़ी जेव।