दाऊद गत नगरेरे पासे नशते
10 तैस्से दिहाड़े दाऊद तैट्ठां च़लो, ते तैस्से दिहाड़े शाऊले करां डेरतां ते नेशतां गत नगरेरे राज़े आकीशे कां जेव। 11 ते आकीश राज़ेरे अधिकैरेईं तैस सेइं ज़ोवं, "कुन तै तैस मुल्खेरो राज़ो दाऊद नईं? कुन इस्राएली कौन्शेइं तैसेरे लेई नच़ते-नच़ते एक्की होरि सेइं साथी इन गीत न थियूं ज़ोवरू,
‘शाऊले हज़ारेईं दुश्मन,
ते दाऊदे लखेइं दुश्मन मारे?’"
12 दाऊदे इना गल्लां शुनी, ते गत नगरेरे राज़े आकीशे करां बड़ो डेरि जेव। 13 तैखन तैनी तैन केरे सामने होरि चाल च़ली, ते तैन केरे सामने पागल ज़ेरो बेनि जेवं; ते फाटकेरे दारन पुड़ लकीरां देने, ते एपनी ढ्लेजां एपनी दैढ़ी उन्ढी बिछ़ोड़ने लगो।