Mateu 20

Ntribarea a Hiljilor al Zebedeu

20 Atumtsea, muma a hiljilor a Zebedeului s-apruche la Isus deadun cu hiljilji a ljei, cãdzu pri dintsã sh-lji-cãftã tsiva. 21 Sh-elu lj-dzãsi: "Tsi vrei?" Ea apãndisi: "Ursea tsi aeshti doi hiljilji a melji s-apunã un di nandreapta sh-altu di nastãnga tu amirãriljea a ta." 22 Sh-Isusul apãndisi: "Voi nu shtits tsi cãftats. Putets s-bets voi cupa tsi mini va beu? [Shi s-vã pãtidzats cu pitedzlu cu cai mini va mi pitedz?]*20:22 aesti zboari nu s-aflã tu tuti manuscrisili." Elji dzãsirã: "Ie, putem." 23 Elu lã dzãsi a lor: "Voi dealihea va s-bets cupa a mea. [Shi va s-vã pãtidzats cu pitedzlu cu cai mini va mi pitedz.]*20:23 aesti zboari nu s-aflã tu tuti manuscrisili. Ma nu easti tu mãna a mea tra s-shidets di nandreapta a mea icã di nastãnga a mea, cã atseali locuri suntu trã atselji tsi s-etimãsirã di la Tatãl a meu."