36 "Iarã di dzua atsea sh-di oara atsea vãrã nu shtii, nitsi anghilji dit tser, nitsi Hiljilu, ma singur Tatãl. 37 Shi ashã cum tu dzãlili al Noe, ashã va hibã sh-la vinita a Hiljiu a Omlui. 38 Cã ashã cum tu dzãlili atseali di cama nãinti a nicariljei, oaminjlji mãca sh-bea, si-nsura shi s-mãrta, pãnã cãndu Noeul intrã tu varcã. 39 Elji nu aduchirã tsiva, pãnã cãndu vini nicarea sh-lji lo tuts. Ashã va hibã sh-tu vinita a Hiljilui a Omlui.