Mateus 3

Ioan Pãtidzãtorlu

1 Tu atseali dzãli vini Ioan Pãtidzãtorlu, tsi predica tu irnjia a Iudeiljei, 2 shi dzãtsea: "Mitãnjiusits-vã, cã amirãriljea a tserurilor easti aproapi!" 3 Sh-ti Ioanul avea gritã prufitlu Isaia cãndu dzãsi:

✝ 3:3 Isa 40:3. "Boatsea atsilui tsi aurlã tu irnjii:

‘Ndridzets-u calea a Domnului,

ndriptats cãljurili a lui.’"

4 Ioanul avea nviscutã un stranji di lãna a cãmilãljei sh-un brãn di chealã la mesi. Elu s-hrãnea cu carcaletsi shi njeari-agrã. 5 Atumtsea oaminjlji a Ierusalemlui, di tutã Iudea sh-di locurili a Iordanlui s-dutsea cãtrã nãsu, 6 shi s-pãtidza di la nãsu, tu arãulu Iordan mãrtirsinda amãrtiili a lor.