VALOMA 13

Umwimike va kulongocha

1 Kila munu avapulikiche vevakuvalongecha, kwakuva umwimike vonda uhuma kwa Nguluvi na vala vevilongocha nondee vavikilwe na Nguluvi. 2 Munu yeyonda yeipinja ulongochi apinja lulagilicho lwa Nguluvi na vala yevagita ndeni davahigwa. 3 Kwakuva vanu vevagita manofu sevavakogopa vanu vevakuvalongocha, ila vala vevagita manjanganifu nde vevakuvakogopa vanu vevakuvalongocha. Ngita wikela ubihile kuvakogopa vene umwimike, gite ganofu na davakunjuma. 4 Kwakuva vene nde vanjagila va Nguluvi, figita kasi ngajila lya kuvatanga nyenye. Ila pemwigita manjanganifu, muvakogope kwakuva viwesa kuvatova. Vene ndi vanjagila va Nguluvi na viwonesa luvipo lwake kwa vala vevigita manjanganifu. 5 Ndeni, mwing’ang’wa kuvapulikicha vanu vevakuvalongocha, sekwakuva mwimkogopa Nguluvi, ila kwakuva mwichela mwing’ang’wa kugita ndena.

6 Nde kwakuva nyenye mwihomba kodi, kwakuva vene vakumgumbanikila Nguluvi na viyihechile kwakuva lya kumgundamikila mwene. 7 Mumuhombe kila munu kyeking’ang’wa kuhombwa munu va kuhombwa usulu na mumuhombe usulu, vakuhombwa kodi na mumuhombe kodi, yeang’ang’wa kuginywa mugavile uginyange.