3 Kee kindi bandu bamo banaa haba muvishila Yeesu mundu yumo wenee bulebele bibandu. 4 Kumona ndabe samuna kumushwala tonono na Yeesu kukidila bungi bwa bandu. Haŋo byaba banda haulu hakinduulu kya kyende2.4 Bamo Bayaudi bene mukuzika binduulu byabo na makombwa haulu bazika na malenge haulu hamalenge ni bazika na matekemabumba byaba tubula dimo bua ku kinduulu mudyakedee bua dyene Yeesu; haba mushajya yowa mundu wene bulebele bibandu mukalaku kaye ke ladilangeye. 5 Yeesu heeva moneeye butabuke bwaabo, ni haya jyongodela yowa mundu wene bulebele bibandu: «Mwaana waami, wa monenebwa lusa bubi bwobe».
6 Bamo balangidishi ba buta,* benange haŋa haba hejya muma tima maabo: 7 «Kwakaayi yu mundu wa jyongola bibi? Wa yakula mauya ma mbingu kwa Kabejya! Ndakudi mundu husamuna kusheejya bubi Kabejya iye alaa!» 8 Akeaŋa Yeesu haya yuka mwiejyo yaabo, haya ba saudila: «Kwakaayi mukiejya beebya muma tima miinu? 9 Mungusaudile ngike kindu kidi kieleela kuyakula kwa yuu mundu yidi bulebele bibandu?: ‹Bubi bwoobe bwasheela.› Au kumusaudila ti: ‹Buuka buula tanda dyoobe na usumuke?› 10 Kwa biibi, ngivula muyuke ti mimi Yeesu ni kiyakananga na butangala bwa ku monena bandu lusa lwa bubi bwaabo muune mu kisi.»
Haŋo Yeesu bya jyongodela yowa mundu vane bu lebele bibandu: 11 «Na kusaudila ti taluka; buula busazu dyobe na weene ku kyende kyobe»!
12 Akeaŋa, bandu booso muku mulola, yowa mundu haya taluka, haya buula busazu bwaye, haya yena byaye.
Bandu booso haba hanunuka. Na ku mu tumbijya Kabejya na kuboya: «Nda twemonanga kumo bidi diidi»!
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)